Sganio | Ailgylchu | Gwobr - Telerau ac Amodau

Trefnydd yr Arbrawf yw Circularity Solutions Limited, sy'n cynrychioli Cynghrair y DDRS ac yn gweithio ar y cyd â Chyngor Sir Powys.

Mae'r cynllun yn agored i bob aelod o'r cyhoedd sy'n prynu cynnyrch sydd o fewn cwmpas yr arbrawf ac yn dychwelyd y cynhwysydd gwag yn gywir trwy un o'r opsiynau dychwelyd a ddarparwyd.
Mae'r cynllun hwn yn rhan o arbrawf ac mae cymryd rhan yn wirfoddol. Telir pob taliad yn ôl disgresiwn Trefnydd yr Arbrawf yn unig.
Gellir newid natur a maint y taliadau ar unrhyw adeg a bydd unrhyw newidiadau yn cael eu hysbysu trwy wefan yr arbrawf ar Sganio | Ailgylchu | Gwobr
Mae Trefnydd yr Arbrawf yn cadw'r hawl i wrthod talu unrhyw daliad am ba bynnag reswm.
Gall cynllun yr arbrawf a thelerau ac amodau gael eu diwygio a/neu eu terfynu ar unrhyw adeg, gyda newidiadau o'r fath yn cael eu hysbysu trwy wefan yr arbrawf.
Unwaith y bydd yr arbrawf yn cyrraedd ei ddyddiad dod i ben, bydd yr holl godau QR ar sticeri yn cael eu dad-actifadu ac ni fydd modd hawlio unrhyw daliadau drwyddynt.
Bwriedir darparu cyfnod o amser unwaith y bydd yr arbrawf wedi dod i ben er mwyn caniatáu i daliadau gael eu hawlio - y Cyfnod Adbrynu. Bydd hyn yn cael ei hysbysu trwy wefan yr arbrawf a bydd y rhai sydd â balansau yn eu cyfrif yn cael eu hysbysu i'w hadbrynu trwy e-bost. Bydd unrhyw falansau a ddelir yng nghyfrifon ar-lein defnyddwyr ar ôl y Cyfnod Adbrynu yn cael eu dileu yn ogystal â phob cyfrif ar-lein.
Trwy gyfrifon banc y DU yn unig y gellir adbrynu taliadau a gronnir trwy'r Ap gwe neu eu rhoi i'r elusen enwebedig. Nid oes unrhyw ddulliau adbrynu eraill ar gyfer taliadau ar-lein ar gael.
Bydd taliadau a delir am gynwysyddion a ddychwelir trwy wasanaeth dros y cownter ar ffurf arian parod yn unig. Os yw'r manwerthwr gweithredol yn amau chwarae brwnt, yna, yn ôl eu disgresiwn llwyr, gallant atal neu wrthod talu unrhyw daliad.
Bydd taliadau a delir am gynwysyddion a ddychwelir drwy fin cymunedol ar ffurf credyd i gyfrifon ar-lein defnyddwyr yn unig. Gellir atal taliadau os na fydd defnyddwyr yn gosod eu cynwysyddion yn gywir yn y biniau cymunedol neu'n gosod deunydd yn y biniau nad ydynt yn gynwysyddion diodydd o fewn y cwmpas.
Dim ond ar y sgan cyntaf llwyddiannus o sticer cynhwysydd â chod dilys y gellir talu taliadau, pan fydd y cynhwysydd hwnnw wedi'i ddychwelyd yn unol â'r cyfarwyddiadau a roddwyd. Os nad oes sticer ar gynhwysydd, yna ni ellir rhoi taliad: Dim Sticer = Dim Taliad
Os yw cod sticer eisoes wedi'i ddefnyddio i hawlio taliad, hyd yn oed os yw wedi ei wneud yn dwyllodrus, yna nid oes unrhyw dâl pellach yn daladwy ar y cod hwnnw oni bai bod unrhyw taliad twyllodrus yn cael ei adennill. Bydd Trefnydd yr Arbrawf yn ymrwymo i adennill taliadau a dalwyd yn dwyllodrus ond mae'n cadw'r hawl i dalu un taliad yn unig fesul sticer a gyhoeddir.
Gall fod yn dwyllodrus i dderbyn taliad mewn modd nad yw wedi'i ddiffinio yn llenyddiaeth yr arbrawf. Mae Trefnydd yr Arbrawf yn cadw'r hawl i atal taliadau os amheuir gweithgarwch twyllodrus neu amheus a gall adrodd am weithgarwch o'r fath i'r heddlu ar gyfer ymchwiliad troseddol. Os amheuir gweithgarwch twyllodrus ac yr ymchwilir iddo gan Drefnydd yr Arbrawf, yna gellir atal y gallu i adbrynu unrhyw daliadau sy'n gysylltiedig â'r cyfrif sy'n cael ei ymchwilio nes bod ymchwiliadau o'r fath wedi'u cwblhau a'r gweithgarwch wedi'i gadarnhau fel un dilys.
Gall defnyddwyr y mae Trefnydd yr Arbrawf yn credu eu bod yn cam-drin yr arbrawf mewn unrhyw ffordd gael eu cyfrifon ar-lein wedi'u rhewi ac, os yw Trefnydd yr Arbrawf yn credu y gallai eu gweithred fod yn anghyfreithlon, gellir eu cyfeirio at yr heddlu ar gyfer ymchwiliad troseddol.
Nid yw Trefnydd yr Arbrawf yn cymryd unrhyw gyfrifoldeb am ddata anghywir a ddarperir gan ddefnyddwyr, megis manylion cyfrif banc, nac unrhyw ganlyniadau sy'n deillio o'r data hynny.
Dylid anfon pob ymholiad neu gŵyn trwy gyfeiriad e-bost llinell gymorth yr arbrawf i recyclereward@powys.gov.uk