Polisi Gwaith Allanol Archifau

Cyflwyniad

Mae Swyddfa Archifau Sir Powys yn gweithredu yn unol â Datganiad Polisi a fabwysiadwyd gan Gyngor Sir Powys ar 18 Mehefin 1991. Mae'r datganiad hwn yn gofyn i Archifau'r Sir i:

1. gael cofnodion sy'n ymwneud â gorffennol diwylliannol a hanesyddol Powys, a'u cadw a'u diogelu hwy yn unol â'r ddeddfwriaeth berthnasol
2. darparu mynediad cyhoeddus iddynt

Yn unol â chynlluniau strategol a bennir gan Gyngor Sir Powys, mae Archifau Powys yn cyfrannu tuag at flaenoriaethau'r Cyngor, sef:

• Iechyd a gofal cymdeithasol integredig i oedolion
• Plant a phobl ifanc
• Trawsnewid dysgu a sgiliau
• Cymunedau cryfach, mwy diogel a dichonadwy yn economaidd
• Gwasanaethau cyhoeddus cytbwys yn ariannol ac yn addas i'r diben

Bydd y polisi hwn yn cael ei weithredu o fewn cyd-destun natur ddwyieithog y sir ac yn unol ag ymrwymiad Cyngor Sir Powys i gydraddoldeb ac amrywiaeth. Fe fydd yn cael ei weithredu hefyd yn unol â Strategaeth Datblygiad Cynaliadwy'r Cyngor.

Nodau:

1. Hyrwyddo a chynyddu mynediad at archifau
2. Codi ymwybyddiaeth am Archifau Powys a'i swyddogaethau
3. Hyrwyddo Archifau Powys fel adnodd ar gyfer dysgu
4. Gwella ansawdd addysg disgyblion a myfyrwyr o bob oedran trwy'r defnydd priodol o'r archifau
5. Hyrwyddo cynhwysiant cymdeithasol

Amcanion:

1. Annog cadw, cyfrannu ac adneuo archifau
2. Cynyddu mynediad at yr archifau ac estyn y gymuned o ddefnyddwyr Archifau Powys yn lleol ac o bell
3. Cynnal sgyrsiau a chreu arddangosfeydd
4. Trefnu ac arwain ymweliadau grŵp i Archifau Powys, lle bo hynny'n bosibl
5. Hyrwyddo Archifau Powys trwy gyfryngau argraffedig a darlledu
6. Darparu adnodd addas at ddefnydd ystafell ddosbarth, lle bo hynny'n bosibl
7. Cynnig hyfforddiant a chyngor ar y defnydd addysgol o ddogfennau
8. Cefnogi athrawon i ddefnyddio deunydd archifol o fewn eu hystafelloedd dosbarth
9. Cynnig cyngor a chyfarwyddyd i fyfyrwyr sy'n cynnal gwaith ymchwil
10. Annog cysylltiadau rhwng Archifau Powys a sefydliadau allanol gan gydweithio gyda hwy ar brosiectau ar y cyd

Methodoleg

Sgyrsiau, Ymweliadau ac Arddangosfeydd

• ymateb i geisiadau am ymweliadau ag Archifau Powys, o fewn a thu allan i oriau swyddfa arferol
• ymateb i geisiadau i roi darlithoedd a sgyrsiau mewn lleoliadau yn rhywle arall, o fewn a thu allan i oriau swyddfa arferol
• darparu arddangosfeydd bychain o ddogfennau gwreiddiol a/neu ddogfennau copi o fewn Archifau Powys ac mewn mannau eraill
• cefnogi digwyddiadau megis Ffeiriau Hanes Lleol trwy gyflwyno arddangosfa a desg gymorth
• trefnu Dyddiau Agored i'r cyhoedd lle bo hynny'n bosibl

Cynyddu mynediad at Archifau Powys dros y Rhyngrwyd

• datblygu mynediad at gatalogau Archifau Powys ar-lein trwy ein catalog ar-lein a'n gwefan ein hunain, a gwefan Canolbwynt Archifau (Archives Hub).
• Hyrwyddo Archifau Powys trwy gyfryngau argraffedig a darlledu
• darparu datganiadau i'r wasg trwy Swyddfa Cysylltiadau Cyhoeddus y Cyngor
• darparu cyfweliadau ar gyfer y radio a theledu, a chyfryngau i'r wasg
• cyhoeddi a dosbarthu cylchlythyr chwarterol
• hwyluso'r defnydd o'r archifau o fewn prosiectau penodol gan sefydliadau darlledu a chwmnïau ffilmiau
• ysgrifennu erthyglau i gylchlythyrau a chyfnodolion a gyhoeddir gan gymdeithasau hanes lleol a hanes teulu

Cydweithrediad a phartneriaeth gyda sefydliadau eraill

• gweithio gyda Llyfrgelloedd ac Amgueddfeydd Powys
• gweithio'n gydweithredol gyda sefydliadau lleol, gan gynnwys grwpiau cymunedol a chymdeithasau lleol, ar brosiectau sydd o ddiddordeb i'w gilydd

Monitro a Gwerthuso

• gofnodi darparu sgyrsiau ac ymweliadau a phresenoldeb yn y rhain
• cofnodi darparu arddangosfeydd
• cofnodi nifer yr ymweliadau â gwefan Archifau Powys
• defnyddio'r ystadegau uchod i hysbysu cydweithwyr, aelodau etholedig a'r cyhoedd (trwy Adroddiad Blynyddol Archifau Powys), ynghyd â chyflwyno data blynyddol i'r Sefydliad Siartredig Cyllid Cyhoeddus

Gellir sicrhau gwerthuso gweithgareddau gwaith allanol ac addysgol

• trwy'r defnydd o holiaduron bodlonrwydd a ffurflenni sylwadau
• trwy gasglu ac adolygu sylwadau yn unol â gweithdrefn Gwynion Cyngor Sir Powys
• trwy adborth anffurfiol
• trwy'r defnydd o grwpiau ffocws, fel sy'n briodol

Mawrth 200

Wedi'i adolygu 2011

Wedi'i adolygu 2014

Wedi'i adolygu 2018

I'w adolygu 2021