Treth y Cyngor: Disgownt a gostyngiadau (pobl)
Mae Treth y Cyngor yn seiliedig ar 2 neu fwy o oedolion cymwys yn byw yn yr un cartref.
Rhowch wybod i ni am unrhyw sefyllfa arall er mwyn gallu gwneud yn siŵr eich bod chi'n talu'r swm iawn o dreth y cyngor a ddim mwy. Efallai y gallwch hawlio disgownt treth y cyngor. Bydd y llyfryn defnyddiol iawn yn helpu chi ddeall a ydych chi'n gallu talu llai o dreth y cyngor.
Allwch chi ddim cael gostyngiad ar eich Treth y Cyngor dim ond oherwydd eich bod yn cael trafferth i'w dalu. Os ydych chi'n cael anhawster i dalu'ch Treth y Cyngor, gallwch siarad â ni i weld a allwn ni eich helpu.
Rhaid i chi ddweud wrthym ni ar unwaith os oes newid yn eich amgylchiadau. Gallai methu â gwneud hyn arwain at Orfodi Cosb Treth y Cyngor arnoch. Os ydych chi'n anghytuno â'r gosb sy'n cael ei gorfodi arnoch, mae'n bosibl y byddwch yn awyddus i drafod hyn gyda ni yn gyntaf. Neu, gallwch wneud apêl uniongyrchol i Dribiwnlys Prisio Cymru
Ar y dudalen hon:
- Talu Treth y Cyngor a dim ond un oedolyn yn byw yn yr eiddo
- Os ydych chi'n gadael gofal
- Treth y Cyngor i fyfyrwyr, prentisiaid a phobl dan hyfforddiant
- Pobl sydd yn yr ysbyty neu mewn gofal preswyl yn barhaol
- Unigolyn ifanc yn troi'n 18 oed
- Budd-dal Tai
- Pobl anabl
- Pobl â nam meddyliol difrifol
- Gofalwyr
- Treth y Cyngor pan fydd rhywun wedi marw
- Pobl yn y carchar neu garchariad cyfreithlon arall
- Pobl mewn sefyllfaoedd penodol
- Amgylchiadau unigol eithriadol
Talu Treth y Cyngor a dim ond un oedolyn yn byw yn yr eiddo
Os mai chi yw'r unig oedolyn cymwys yn byw mewn eiddo, mae'n bosibl y byddwch yn gymwys i dderbyn disgownt o 25%. Gallai hyn ddigwydd oherwydd marwolaeth, gwahanu, ysgaru, neu hyd yn oed di ond oherwydd bod oedolyn arall wedi symud allan - neu unrhyw reswm arall.
Os ydych chi'n gadael gofal
Rhywun sydd rhwng 18 a 25 oed ac yn unigolyn ifanc categori 3 yn ôl diffiniad Deddf Gwasanaethau Cymdeithasol a Llesiant (Cymru) 2014
Treth y Cyngor i fyfyrwyr, prentisiaid a phobl dan hyfforddiant
Os ydych yn oedolyn sy'n fyfyriwr, yn brentis neu'n rhywun dan hyfforddiant, mae'n bosibl na fydd yn rhaid i chi dalu Treth y Cyngor. Mae angen i chi ddweud wrthym eich bod yn fyfyriwr a ble rydych chi'n byw.
Pobl sydd yn yr ysbyty neu mewn gofal preswyl yn barhaol
Os oes oedolyn wedi symud allan o'ch ty i aros mewn ysbyty, cartref gofal preswyl neu gartref nyrsio yn barhaol ni fydd yn gymwys i dalu Treth y Cyngor.
Os bydd eiddo'n wag yn barhaol, dylech
Rhowch wybod i ni os yw'r eiddo'n wag yma Hawlio Eithriad
Unigolyn ifanc yn troi'n 18 oed
Os oes unigolyn ifanc yn byw gartref sy'n troi'n 18 oed, mae'n atebol i dalu Treth y Cyngor. Os mai myfyriwr yw e, neu os ydych chi'n parhau i dderbyn budd-daliadau ar ei gyfer, yna ni fydd yn atebol i dalu Treth y Cyngor.
Rhowch wybod i ni pan fydd oedolyn ifanc yn 18 oed yma Mae rhywun yn eich cartref yn troi'n 18
Budd-dal Tai
Os ydych yn derbyn Budd-dal Tai, gallwch hawlio help tuag at Dreth y Cyngor (Gostyngiad), Prydau Ysgol am Ddim, a Grantiau Dillad Ysgol ar yr un pryd.
Gwneud cais am fudd-dal tai yma Gwneud cais am fudd-daliadau
Pobl anabl
Efallai y gallwch hawlio gostyngiad os ydych chi neu rywun sy'n byw gyda chi angen lle ychwanegol neu fod y defnydd o'r eiddo wedi'i newid neu'i addasu.
Pobl â nam meddyliol difrifol
Fe allai pobl â nam meddyliol difrifol (megis dementia) hawlio gostyngiad.
Gofalwyr
Os ydych chi'n ofalwr sy'n byw yn yr un eiddo â'r sawl rydych yn gofalu amdano, mae'n bosibl na fydd yn rhaid i chi dalu Treth y Cyngor.
Mwy o wybodaeth yma am help gyda Threth y Cyngor i ofalwyr Treth y Cyngor: Help i ofalwyr
Treth y Cyngor pan fydd rhywun wedi marw
Pan fydd oedolyn wedi marw, mae'n rhaid i chi ddweud wrthym ar unwaith er mwyn i ni wneud yn siwr eich bod chi neu'r stad yn talu'r swm iawn o dreth y Cyngor a dim rhagor. Mae'n rhaid i chi hefyd gofrestru'r farwolaeth.
Rhowch wybod i'r Adran Treth y Cyngor am farwolaeth yma Mae rhywun wedi marw
Pobl yn y carchar neu garchariad cyfreithlon arall
Neu unrhyw le arall, nid yw'r unigolyn dan sylw yn gymwys i dalu Treth y Cyngor.
Pobl mewn sefyllfaoedd penodol
Mae'n bosibl na fyddwch yn gymwys i dalu Treth y Cyngor os ydych chi'n:
- aelodau (neu'n ddibynyddion) Pencadlysoedd Rhyngwladol a Sefydliadau Amddiffyn
- aelodau o Gymunedau Crefyddol
- aelodau (neu ddibynyddion) lluoedd sy'n ymweld
- cymar (heb fod yn Brydeinig) i fyfyriwr
- berchen ar fraint neu imiwnedd diplomyddol
Amgylchiadau unigol eithriadol
Os oes amgylchiadau personol eithriado nad oedd modd eu rhagweld yn berthnasol i chi, mae'n bosibl y gallech gael disgownt yn ôl disgresiwn. Bydd yn rhaid i chi ddarparu tystiolaeth o'r rheswm y mae eich amgylchiadau'n eithriadol.