Dawns Powys

 Mae Dawns Powys yn cynnal dosbarthiadau, hyfforddiant a pherfformiadau i bobl Powys.  Rydym yn gweithio o'r Ganolfan Ddawns yn Llandrindod, ond yn gweithio ar hyd a lled y sir.

Mae'r Ganolfan Ddawns yn Hen Neuadd yr Eglwys, yn Heol Arlais, Llandrindod.

Mae ganddi stiwdio ddawns ragorol, gyda bariau dawns, drychau a llawr dawns crog, sy'n trawsnewid i theatr fach.  Gallwch logi'r ganolfan ddawns ar gyfer ymarferion, cyfarfodydd, perfformiadau, cynadleddau a dosbarthiadau dawns.

Y gyfradd fesul awr yw:

• £20 ar gyfer Corfforaethol
• £15 ar gyfer Grwpiau Cymunedol
• £12 Cymdeithasau sy'n gysylltiedig â Dawns Powys (os ydych chi'n cynnig dosbarth dawns cymunedol).

Mae Cwmni Dawns Ieuenctid Powys wedi'i lleoli yn y Ganolfan Ddawns yn Llandrindod ac mae ar gyfer pobl ifanc sydd am ddatblygu eu techneg, eu sgiliau perfformio a'u creadigrwydd, gan arbenigo mewn Dawns Gyfoes.

Rydym yn cwrdd yn ystod y gwyliau i greu dawnsiau sy'n cael eu perfformio mewn digwyddiadau Dawns Ieuenctid ar hyd a lled Powys.