Cynllun Amgen Cymorth Biliau Ynni Amgen / Taliad Tanwydd Amgen

Mae'r cynllun Cyllid Amgen yn ostyngiad untro gwerth £400 nad oes angen ei ad-dalu ar gyfer aelwydydd cymwys sydd heb dderbyn y prif daliad awtomatig fel gostyngiad ar eu bil ynni, ond sy'n dal i wynebu costau ynni uwch.

Mae'r Taliad Tanwydd Amgen (Cyllid Amgen) yn ostyngiad o £200 nad oes angen ei ad-dalu i'r rheini sydd â thanwydd amgen fel olew gwresogi, biomas a nwy petroliwm hylifol (LPG) - fel prif ffynhonnell gwresogi

Mae gofyn i unigolion wneud cais am y £400 o gyllid Amgen trwy borth Gov.UK nid trwy Gyngor Sir Powys.
Bydd y cynllun ar agor ichi wneud cais rhwng 27ain Chwefror - 31ain Mai 2023
Bydd angen i gartrefi wneud cais am y Taliad Tanwydd Amgen o £200 drwy'r porth Gov.UK nid drwy Gyngor Powys.
Bydd y cynllun ar agor i chi wneud cais rhwng 6 Mawrth 2023 i 31 Mai 2023.
Os hoffech dderbyn cymorth i wneud cais, rhif llinell gymorth y cynllun yw: 0808 175 3287

Pwy sy'n gymwys ar gyfer y cynllun £400

Nod y cynllun cyllid amgen yw cynnig cymorth cyfatebol i gartrefi sydd heb dderbyn cymorth awtomatig trwy eu bil trydan, oherwydd nid oes ganddynt gontract ar gyfer cyflenwad trydan domestig.

Mae'n rhaid i'r cartref fod yn brif neu unig gartref a bydd gofyn ichi ddarparu tystiolaeth o hyn.
Mae'n rhaid ichi fyw yn y cartref dan sylw ar ddyddiad eich cais.
Mae'n rhaid ichi fod yn gyfrifol am dalu'r ynni a ddefnyddir yn yr aelwyd.
RHAID I chi BEIDIO bod eisoes yn derbyn unrhyw fath o daliadau cymorth trwy'r prif Gynllun Cymorth Biliau Ynni neu'r Cynllun hwn yn flaenorol
Nid eiddo busnes yw'r aelwyd, nac unrhyw fath arall o eiddo annomestig, ac eithrio busnesau lle mae'r prif weithgaredd busnes yn golygu darparu llety preswyl hirdymor.

Pwy sy'n gymwys ar gyfer cynllun £200

I fod yn gymwys am Gronfa Amgen Taliad Tanwydd rhaid i chi fodloni'r meini prawf canlynol ar ddyddiad eich cais:

Yr annedd y mae cymorth yn cael ei hawlio ar ei gyfer yw'r unig neu brif gyfeiriad preswyl yr ymgeisydd.
Chi sy'n gyfrifol am dalu am y tanwydd(au) amgen a ddefnyddir yn yr annedd fel prif ffynhonnell gwresogi'r aelwyd.
Nid yw'r aelwyd wedi derbyn neu ni fydd yn derbyn yn gyfan gwbl neu'n rhannol unrhyw daliad trwy'r prif Gynllun Cymorth Biliau Ynni neu'r Cynllun hwn o'r blaen
Nid yw annedd y cartref yn fangre busnes na math arall o adeilad annomestig, ac yn cael ei ddefnyddio'n gyfan gwbl neu'n bennaf at ddibenion domestig, ac eithrio busnesau y mae eu prif weithgaredd busnes i ddarparu llety preswyl hirdymor (landlordiaid ac ati). Dim ond aelwydydd, ac nid y busnesau eu hunain, all wneud cais i'r Gronfa Amgen Taliad Tanwydd.

Esiamplau o Aelwydydd sydd efallai'n gymwys i dderbyn y Cyllid Amgen yma:

Nodwch fod y rhestr yn berthnasol i'r cynllun £400 a £200 er enghraifft. Ond ar gyfer y £200 mae'n rhaid i chi gael Tanwydd Amgen fel eich prif ffynhonnell wresogi.

Trigolion cartrefi mewn parciau
Tenantiaid cymdeithasau tai, tenantiaid cymdeithasol a phreifat, prydleswyr, lle mae landlord yn cyflenwi ynni trwy fesurydd masnachol
Trigolion cartrefi preswyl sy'n talu am eu gofal eu hunain yn rhannol neu'n gyfan gwbl
Aelwydydd mewn cychod preswyl ar angorfeydd preswyl
Aelwydydd ar rwydwaith trydan preifat, er enghraifft, a gyflenwir gan rwydwaith gwres
Aelwydydd oddi ar y grid
Aelwydydd teithwyr ar safleoedd awdurdodedig
Aelwydydd sy'n byw mewn cartref ar eiddo busnes a ddefnyddir yn rhannol neu'n gyfan gwbl at ddibenion domestig
Aelwydydd mewn llety dros dro/â chymorth
Aelwydydd sy'n byw mewn eiddo a ddefnyddir yn rhannol neu'n gyfan gwbl at ddiben llety preswyl hirdymor gan gynnwys landlordiaid a chartrefi gofal
Eiddo preswyl yn gyfan gwbl a wasanaethir gan fesurydd masnachol ar safle masnachol ehangach lle mae'r ymgeisydd yn gallu dangos tystiolaeth fod yr aelwyd ar wahân i unrhyw eiddo busnes sy'n rhannu'r un cyflenwad.
Byddai ffermwyr sy'n byw mewn ffermdai domestig ar fferm yn cael eu hystyried yn gymwys, yn amodol ar fodloni meini prawf cymhwysedd eraill.
Dylai fod aelwydydd mewn llety dros dro (neu barciau gwyliau) sy'n gyfrifol am dalu am gyfleustodau, ac sydd wedi byw yno am fwy nag 1 mis cyn gwneud cais, yn gymwys

Y Broses Ymgeisio

Mae angen ymgeisio trwy'r ddolen isod i borth Gov.Uk .

Bydd tîm llywodraeth ganolog y DU yn gweithio allan a ydych yn gymwys i dderbyn taliad ai peidio.

Wedyn bydd Cyngor Powys yn cael ei hysbysu'n uniongyrchol a ydych yn gymwys i dderbyn y cymorth grant.

Nesaf, bydd gofyn inni gyflawni gwiriadau cyn talu'r cymorth ichi. Gall hyn olygu gwiriadau cefndir ar unrhyw fas data perthnasol a dulliau eraill i gadarnhau eich cymhwysedd. Hefyd bydd gofyn inni geisio tystiolaeth gennych ar unrhyw fater nad ydym wedi llwyddo i'w wirio. Felly, hwyrach y bydd gofyn inni gysylltu â chi'n gyntaf.

Ein bwriad yw gwneud taliadau o fewn 30 diwrnod o glywed gan y llywodraeth ganolog eich bod yn gymwys. Fodd bynnag, os oes angen inni gysylltu â chi ynghylch rhywbeth, gall cymryd mwy o amser.

Sut i ymgeisio?

Ar gyfer y cynllun gwerth £400 gwnewch gais o 27 Chwefror 2023: https://www.gov.uk/apply-energy-bill-support-if-not-automatic

Noder: bydd y ddolen yn mynd â chi i wefan y llywodraeth ganolog i gyflwyno eich cais

Ar gyfer y cynllun gwerth £200 gwnewch gais o 6 Mawrth 2023: Help with your energy bills: If you use alternative fuels for heating - GOV.UK (www.gov.uk)

Noder: bydd y ddolen yn mynd â chi i wefan y llywodraeth ganolog i gyflwyno eich cais

Llinell gymorth ar gyfer ceisiadau: 0808 175 3287