Pwy sy'n trefnu maethu preifat?

Trefnir maethu preifat gan y gofalwr arfaethedig a rhieni geni'r plentyn, neu weithiau y plant hŷn eu hunain.

Nid yw awdurdodau lleol yn cymeradwyo nac yn cofrestru gofalwyr maeth preifat yn ffurfiol, ond mae'n rhaid iddynt fodloni eu hunain bod lles plant sydd, neu a fydd, yn cael eu maethu'n breifat o fewn eu hardal, neu a fydd, yn cael eu diogelu a'u hyrwyddo'n foddhaol.

A yw gofalwyr maeth preifat yn cael eu talu?

Mae unrhyw drefniant ariannol yn cael ei wneud rhwng gofalwyr maeth preifat a rhieni geni. Fel gofalwr y plentyn mae'n bosibl eich bod yn gymwys i hawlio budd-daliadau penodol, e.e. budd-dal plant, ond bydd unrhyw daliadau cynnal a chadw byddwch yn eu derbyn gan rieni'r plentyn yn cael eu hystyried os byddwch yn gwneud cais am fudd-daliadau sy'n seiliedig ar brawf modd. Bydd gwasanaethau cymdeithasol yn cynnig cyngor ynghylch budd-daliadau.

Hysbysu'r gwasanaethau cymdeithasol

Mae'r gyfraith yn dweud bod yn rhaid i unrhyw un sy'n bwriadu gwneud tefniant maethu preifat - neu sydd eisoes yn maethu plentyn yn breifat - yn hysbysu'r gwasanaethau cymdeithasol.

Sut rwy'n gwybod a yw trefniant yn bodloni'r meini prawf ar gyfer maethu preifat?

Mae angen i chi feddwl am y cwestiynau hyn:

Ydw i'n gofalu am blentyn nad yw'n berthynas agos?
Ydyn nhw'n byw gyda fi?
Ydy'n drefniant llawn amser?
Fydd yn para am 28 niwrnod neu fwy?

Os ydych wedi ateb 'yn gadarnhaol' i'r holl gwestiynau hyn, mae'n cael ei ystyried yn faethu preifat ac mae'n rhaid i chi hysbysu Cyngor Sir Powys amdano.

Pam bod rhaid i mi ddweud wrth y gwasanaethau cymdeithasol?

Mae'n bwysig bod gwasanaethau cymdeithasol yn gwybod am y trefniadau maethu preifat am sawl rheswm:

Mae'n rhaid iddynt fod yn hapus bod y trefniadau er budd gorau'r plentyn, e.e. bod y cartref maethu preifat yn ddiogel a bod holl aelodau'r cartref yn addas i ofalu am y plentyn. Bydd Gwiriadau Manylach y Swyddfa Cofnodion Troseddol yn cael eu cynnal ar bob aelod o'r cartref dros 16 oed.
Byddant yn rhoi cymaint o gymorth a chyngor i'r gofalwr maeth preifat ag sydd ei angen arnynt.