Powys a Chymunedau Cyfeillgar i Ddementia

Ym Mhowys heddiw, mae gennym ni 8 o gymunedau tref sy'n cyd-dynnu i fynd i'r afael â'r stigma sy'n ymwneud â'r clefyd drwy godi ymwybyddiaeth drwy sesiynau Cyfeillion Dementia dan arweiniad Llysgenhadon Cyfeillion Dementia gwirfoddol.

Mae hyn yn golygu rhoi gwell dealltwriaeth i bobl o ddementia a dangos iddynt bwysigrwydd gwneud pethau syml ac ymarferol iawn i'w gynnwys mewn bywyd bob dydd. Yn ei dro, mae hyn wedyn yn rhoi cymaint o annibyniaeth ac urddas â phosibl i'r rhai sy'n byw gyda dementia tra'n eu cefnogi nhw a'u gofalwyr i fyw'n dda a chyfrannu at y gymuned.

Y cymunedau hynny yw:

• Aberhonddu
• Y Drenewydd
• Tref-y-clawdd a Teme Valley
• Ystradgynlais
• Y Trallwng
• Trefadlwyn
• Llandrindod
• Cegidfa

Gan weithio gyda'r Gymdeithas Alzheimer, mae cymunedau'n cymryd camau mawr i ddod yn Gyfeillgar i Ddementia. Mae Cymuned Gyfeillgar i Ddementia yn cynnwys y gymuned gyfan:

• cynorthwywyr siop,
• gweithwyr gwasanaethau cyhoeddus,
• grwpiau ffydd,
• busnesau,
• heddlu,
• staff tân ac ambiwlans,
• gyrwyr bysiau,
• disgyblion ysgol,
• clybiau a chymdeithasau,
• arweinwyr cymunedol - pobl sydd wedi ymrwymo i gydweithio i helpu'r rhai sy'n byw gyda dementia i aros yn rhan o'u cymuned.