Cofrestru am gyfeiriad newydd dau neu lai (domestig neu fasnachol)

I gofrestru am gyfeiriad newydd, cliciwch ar y ddolen isod neu fel arall lawrlwythwch y ffurflen a'i hanfon drwy e-bost i buildingcontrol@powys.gov.uk.

Lle bo hynny'n ymarferol, caiff niferoedd eu dyrannu'n ddilyniannol o'r rhifau strydoedd sefydledig. Lle na ellir dyrannu rhif, yna bydd y datblygwr/perchennog yn dewis enw ar gyfer yr eiddo.  Os yw'r annedd wedi'i lleoli rhwng dau eiddo ar hyd stryd, lle bo hynny'n ymarferol, cyflwynir rhif tŷ a all gynnwys ôl-ddodiad "a" neu "b".

Os yw eiddo'n cael ei rannu'n fflatiau, efallai y bydd angen enw adeilad os nad yw'r eiddo eisoes wedi'i rifo. Yna bydd y fflatiau hefyd yn cael eu rhifo'n unigol neu eu labelu yn nhrefn yr wyddor.

Mae'r rheolau ar gyfer enwi eiddo unigol yn llym; mae enw unigryw yn hanfodol i sicrhau y gellir lleoli eiddo yn gyflym ac yn hawdd. Rydym yn derbyn nifer o gwynion gan bobl sy'n byw mewn ardaloedd gwledig yn ymwneud â nwyddau'n mynd ar gyfeiliorn ac o bryd i'w gilydd, ambiwlansys yn cael eu gohirio. Am y rhesymau hyn, mae'n rhaid i ni fod yn hynod ofalus wrth gymeradwyo enwau eiddo newydd. Ymgynghorir â'r Post Brenhinol a'r Tîm Rhestr Tir ac Eiddo Lleol ar bob enw eiddo newydd; byddant yn gwrthod enwau nad ydynt yn bodloni'r rheolau canlynol.

• Cais Enwi a Rhifo Strydoedd Cais Enwi a Rhifo Strydoedd

Pethau i'w gwneud a pheidio â gwneud wrth ddewis enwau eiddo

Gwnewch:

• Dewiswch enw sydd mor wreiddiol â phosibl.
• Cofiwch fod enwau sy'n ymwneud â choed, llwyni ac ati yn tueddu i fod yn hynod boblogaidd, e.e. Rhosyn, Perllan, Derwen, ac ati.
• Gwiriwch eich enw ar Chwiliwr Cod Post y Post Brenhinol am wreiddioldeb Y Post Brenhinol Dod o hyd i God Post (yn agor mewn tab newydd).
• Yn ddelfrydol, rhowch o leiaf ddau awgrym ar gyfer enwi pob eiddo newydd.

Peidiwch â:

• Dewis enw sy'n cael ei ddefnyddio gan unrhyw eiddo arall neu sy'n swnio'n rhy debyg i eiddo arall yn yr ardal, e.e. LD3 7.., LD3 8.., LD3 9...
• Dewis dau awgrym sydd ddim ond yn amrywiadau ar thema, e.e. Bwthyn Rhosyn, Llety Rhosyn; pa bynnag ôl-ddodiad neu ragddodiad a ddewisir, ni fydd rhosyn yn cael ei gymeradwyo.
• Dewis enw sy'n sarhaus neu'n agored i'w gamddehongli.

Cyswllt

• Ebost: buildingcontrol@powys.gov.uk
• Ffôn: 01874 612290
• Cyfeiriad:
  • Aberhonddu -  Neuadd Brycheiniog, Ffordd Cambrian, Aberhonddu, Powys, LD3 7HR
  • Llandrindod - Cyngor y Sir, Llandrindod LD1 5LG
  • Y Trallwng - Ty Maldwyn, Stryd Brook, Y Trallwng SY21 7PH
• Facebook
• Twitter

Eich sylwadau am ein tudalennau