Cychwyn Iach

Mynnwch help i brynu bwydydd a llaeth (Y Cynllun Cychwyn Iach)

Cynllun Cychwyn Iach y GIG (Cymru)

Mae Cychwyn Iach yn gynllun gan y llywodraeth i gefnogi'r rhai sy'n feichiog, a theuluoedd ifanc i gael mynediad at fwyd iach, llaeth a fitaminau (nodwch fod y canllaw hwn yn ymwneud â bwyd iach a llaeth yn unig.)

Gwneir ceisiadau gan deuluoedd ar-lein ac anfonir cerdyn rhagdaledig a ddefnyddir i brynu cynhyrchion iach drwy'r post. Caiff y cerdyn rhagdaledig hwn ei ail-lenwi bob 4 wythnos gyda'r taliad, gellir ei wario'r mis hwnnw neu ei wario ar archeb siopa fwy.

Gellir defnyddio'r cerdyn rhagdaledig mewn unrhyw siop sy'n gwerthu'r cynhyrchion penodedig ac yn derbyn Mastercard©.

Pa eitemau y gellir eu prynu?

• Ffrwythau a llysiau ffres, wedi'u rhewi neu mewn tun
• Corbys ffres, sych neu mewn tun
• Llaeth buwch
• Llaeth fformiwla babanod

Beth yw Cychwyn Iach?

Os ydych chi'n feichiog ers 10 wythnos neu fwy neu os oes gennych chi blentyn o dan 4 oed, efallai y bydd gennych hawl i gael help i brynu bwyd iach a llaeth. 

Os ydych yn gymwys, bydd cerdyn Cychwyn Iach yn cael ei anfon atoch gydag arian arno a gallwch ddefnyddio hwn mewn rhai siopau yn y DU, a bydd taliad ychwanegol yn cael ei roi ar y cerdyn bob 4 wythnos. 

Gallwch ddefnyddio eich cerdyn i brynu:

• llaeth buwch hylif plaen
• ffrwythau a llysiau ffres, wedi'u rhewi ac mewn tun
• corbys ffres, sych ac mewn tun
• llaeth fformiwla babanod wedi'i wneud o laeth buwch

Gallwch hefyd defnyddio eich cerdyn i'w gasglu:

• fitaminau Cychwyn Iach - mae'r rhain yn eich cefnogi yn ystod beichiogrwydd a bwydo ar y fron
• diferion fitamin ar gyfer babanod a phlant ifanc - mae'r rhain yn addas o enedigaeth hyd at 4 oed

Am ragor o gyngor a gwybodaeth ar sut i wneud cais am Gychwyn Iach, ewch i:

Gwefan y GIG www.healthystart.nhs.uk