Yn ôl y gyfraith, rhaid cael trwydded i gasglu i elusen. Os ydych am gasglu arian neu werthu nwyddau ar unrhyw stryd neu fan cyhoeddus, bydd angen i chi gael trwydded casglu ar y stryd. Mae'n rhaid gwneud hyn hyd yn oed os ydych yn casglu neu'n gwerthu ar gyfer elusen. Nid yw codi arian trwy ddebyd uniongyrchol yn cael ei gynnwys dan y ddeddfwriaeth ac nid oes angen trwydded i wneud hyn.
Casgliadau ar y stryd
Sut i fynd ati i gasglu
Cyn gwneud cais, bydd angen i chi gael gair gyda ni i weld a yw'r dyddiad/dyddiadau ar gael i chi.
Ar ôl i chi orffen eich casgliad, bydd angen i chi anfon manylion y casgliad. Bydd rhaid gwneud hyn o fewn mis. Byddwn yn anfon y ffurflen sydd angen ei llenwi gyda'ch trwydded. Mae'n drosedd peidio ag anfon y ffurflen yn ôl.
Ffurflenni cais
Llenwch gais ar-lein trwy ddefnyddio'r dolenni isod. Bydd y dolenni yn eich trosglwyddo i wefan arall y llywodraeth.
Mae'n hanfodol bod hyrwyddwr y casgliad yn gwbl ymwybodol o'r gofynion cyfreithiol. Mae methu cydymffurfio'n drosedd.
Bydd angen i chi gael bathodynau ar gyfer y casglwyr ac i awdurdodi'r casglwyr. Bydd rhaid dychwelyd y ffurflen atom sy'n dod gyda'r drwydded o fewn mis o'r casgliad.
Ffurflenni cais
Llenwch gais ar-lein trwy ddefnyddio'r dolenni isod. Bydd y dolenni yn eich trosglwyddo i wefan arall y llywodraeth.
Os na fyddwch wedi clywed unrhyw beth gan Gyngor Sir Powys o fewn 7 diwrnod calendr o gyflwyno eich cais gallwch gymryd yn ganiataol bod eich cais wedi bod yn llwyddiannus.
Gallwch hefyd gael ffurflenni drwy ddefnyddio'r manylion cyswllt ar y dudalen hon.
Nid ydym yn codi tâl am y trwyddedau hyn.
Gallwch gael rhagor o wybodaeth am gasglu o dy i dy ar wefan y Comisiwn Elusennau.
Apeliadau
Os ydych yn anfodlon a'n penderfyniad, mae croeso i chi gysylltu â ni i drafod y mater.
Os ydych yn dal i fod yn anfodlon, mae gennych hawl i apelio i'r Gweinidog yn y Swyddfa Gabinet. Rhaid cyflwyno apeliadau o fewn 14 diwrnod o gael eich gwrthod.
Cwynion gan Ddefnyddwyr
Os oes gennych gwyn am elusen yn casglu o dy i dy, cysylltwch â ni drwy ddefnyddio'r manylion ar y dudalen hon.
