Holi am anfoneb
| O'r 2 Mawrth 2015, mae Cyngor Sir Powys yn rhoi polisi Dim Gorchymyn Prynu, Dim Taliad ar waith. O'r dyddiad hwn, RHAID i bob cyflenwr ddyfynu rhif Gorchymyn Prynu (GP) ar eu hanfoneb er mwyn ei brosesu ar gyfer taliad. |
Mae'r gofyniad hwn wedi'i nodi eisoes yn ein Hamodau Contract Cyffredinol ac yn cael ei gyflwyno er mwyn galluogi proses fwy effeithiol o fewn cyngor ac er mwyn ein galluogi i gynnig taliadau cyflymach (fel sydd o fewn ein hamodau masnachu a gytunwyd).
Rhaid i bob cyflenwr nwyddau a / neu wasanaethau dderbyn gorchymyn llafar neu ysgrifenedig yn unig pan roddir rhif gorchymyn prynu. Ni fydd unrhyw anfoneb a dderbynnir sydd ddim yn dyfynnu rhif gorchymyn prynu dilys yn cael ei brosesu a bydd yn cael ei ddychwelyd. Os na chyflwynwyd rhif gorchymyn prynu, dylech gysylltu ag aelod o staff a roddodd y cyfarwyddyd gwreiddiol i ofyn am un. Bydd hyn yn anochel yn golygu oedi wrth dalu a'r posibilrwydd o daliad yn cael ei wrthod gan nad yw'r gorchymyn yn cydymffurfio â'n hamodau masnachu.
30 diwrnod yw'r amodau talu safonol o dderbyn anfoneb sy'n dyfynnu rhoi Gorchymyn Prynu dilys.
Rydym yn dymuno gweithio gyda chyflenwyr mewn perthynas sydd o fudd i bawb ac mae'r gofyniad hwn yn rhan o'r broses. Bydd cyflenwyr yn cael budd o broses well a symlach i dalu anfonebau o fewn telerau masnachu sy'n cynnwys sicrhau fod gennym gyswllt e-bost lle bynnag y bo hynny'n bosibl - fel y gallwn anfon gorchmynion prynu dros e-bost yn hytrach na phostio copïau papur.
Os ydych yn cyflenwi ein hysgolion, nid oes newid i'r broses dalu, ac nid ydych wedi'ch cynnwys yn y Polisi Dim GP, Dim Taliad.
Rhannu'r dudalen hon
Argraffu
