Strwythurau Peryglus
Pwysig - Beth nad yw'n Strwythur Peryglus
Nid yw pob pryder sy'n ymwneud ag adeiladau yn dod o dan ddeddfwriaeth Strwythurau Peryglus.
Nid yw waliau terfyn, waliau cydrannol ac anghydfodau rhwng cymdogion fel arfer yn faterion Strwythurau Peryglus, hyd yn oed lle mae anghytundeb rhwng cymdogion ynghylch cyflwr, perchnogaeth neu gyfrifoldeb.
Peidiwch â defnyddio'r ffurflen hon os yw eich pryder yn ymwneud â:
- Waliau terfyn, waliau gardd neu ffensys sy'n gwyro neu wedi cracio ond nad ydynt mewn perygl uniongyrchol o gwympo
- Waliau neu strwythurau a rennir rhwng cymdogion (waliau cydrannol) lle mae'r mater yn ymwneud â:
- Pherchnogaeth neu gyfrifoldeb
- Adfeiliad dros amser
- Difrod a achosir gan waith adeiladu gerllaw
- Anghydfodau rhwng cymdogion
- Problemau cynnal a chadw parhaus neu hanesyddol
- Anghydfodau sifil ynghylch pwy ddylai wneud atgyweiriadau neu dalu amdanynt
Fel arfer, materion sifil preifat yw'r materion hyn a dylid eu datrys rhwng perchnogion yr eiddo, neu drwy syrfëwr, cyfreithiwr, neu o dan Ddeddf Waliau Cydrannol ayyb. 1996, lle bo'n briodol. Nid oes gan y Cyngor unrhyw bwerau i ymyrryd mewn anghydfodau rhwng cymdogion nac i orfodi atgyweiriadau lle nad oes perygl uniongyrchol i ddiogelwch y cyhoedd.
Pryd y dylid rhoi gwybod am hyn fel Strwythur Peryglus?
Dim ond pan fo risg uniongyrchol i ddiogelwch pobly dylid rhoi gwybod am Strwythur Peryglus, er enghraifft:
- Wal, adeilad neu ran o adeilad mewn perygl uniongyrchol o gwympo
- Gwaith maen, briciau neu ddeunyddiau to sy'n cwympo yn peri risg uniongyrchol i'r cyhoedd
- Mae difrod a achoswyd gan dân, effaith neu dywydd garw wedi gadael y strwythur yn ansefydlog
Os nadyw'r mater yn peri risg uniongyrchol, mae'n annhebygol y bydd yn cyrraedd y trothwy ar gyfer gweithredu Strwythur Peryglus a gellir cau eich adroddiad heb ymchwiliad pellach.
Ddim yn siŵr a ddylech chi roi gwybod?
Os ydych chi'n ansicr, ystyriwch geisio cyngor annibynnol gan syrfëwr cymwys neu beiriannydd strwythurol cyn cyflwyno adroddiad Strwythur Peryglus.
Mae cyflwyno adroddiadau ar faterion nad ydynt yn strwythurau peryglus yn oedi ein hymateb i argyfyngau gwirioneddol lle mae diogelwch y cyhoedd mewn perygl.
Rhoi gwybod am Strwythur Peryglus Rhoi gwybod am Strwythur Peryglus
