Lawrlwythwch (SPP0031 Cym Swydd Ddisgrifiad.pdf)

Lawrlwythwch (SPP0031 Eng Job Description.pdf)

Mae’r dyddiad cau ar gyfer y rôl wedi cael ei ymestyn, dyma’r dyddiadau newydd –
Dyddiad cau: 25/05/2026
Dyddiad creu rhestr fer: 26/05/2026
Cyfweliadau: 03/06/2026

Mae’r gallu i ddefnyddio’r Gymraeg yn gymhwyster hanfodol ar gyfer y swydd hon

Am y rôl:
Byddwch yn weithiwr proffesiynol profiadol a hyderus gyda dealltwriaeth gref o ddeddfwriaeth y Gymraeg, cynllunio iaith a datblygu polisïau yng nghyd-destun llywodraeth leol.
Byddwch yn hyderus wrth gynghori uwch swyddogion, Cynghorwyr a phartneriaid allanol, ac yn gallu cydbwyso meddwl yn strategol â chyflawni gweithredol. Mae'r swydd yn chwarae rhan allweddol wrth hyrwyddo, ymgorffori a chryfhau'r defnydd o'r Gymraeg ar draws gwasanaethau'r Cyngor ac yn y gymuned ehangach, gan gefnogi
canlyniadau gwell i bobl Powys. Bydd deilydd y swydd hefyd yn rheoli dau Swyddog Datblygu'r Gymraeg, gan gefnogi cyflawni gweithgarwch hyrwyddo'r Gymraeg ar lefel leol.
Amdanoch chi:
Rydym yn chwilio am weithiwr proffesiynol deinamig, profiadol a hyderus sy'n gallu dylanwadu ac ysgogi eraill yn effeithiol, bydd gan yr ymgeisydd delfrydol sgiliau Cymraeg rhagorol ac yn angerddol am hyrwyddo'r iaith a chynyddu ei defnydd ar draws
y sir.
Eich dyletswyddau:
• Darparu cyngor technegol ar weithredu ein dyletswyddau statudol yn effeithiol o dan Fesur y Gymraeg (Cymru) 2011 a Deddf Llesiant Cenedlaethau'r Dyfodol (Cymru) 2015, gan ysgogi datblygiad gwasanaethau drwy gyfrwng y Gymraeg ac i gefnogi'r Cynllun Cydraddoldeb Corfforaethol a Strategol.
• Monitro cydymffurfiaeth y cyngor â Safonau'r Gymraeg statudol, a chyhoeddi Adroddiad blynyddol ar Safonau'r Gymraeg
• Cefnogi integriti a hygyrchedd cyffredinol y Gymraeg wrth gyfrannu at
ganlyniadau gwell i bobl Powys
• Hyrwyddo'r Gymraeg, gan sicrhau mwy o gyfleoedd i ddefnyddio'r Gymraeg drwy weithgareddau'r Cyngor, ac o fewn y gymuned ehangach drwy weithio gyda sefydliadau partner i gynyddu defnydd o'r Gymraeg ym Mhowys
Am ragor o wybodaeth am y swydd, gallwch gysylltu â: Catherine James, Pennaeth Deallusrwydd Busnes a Llywodraethu. E-bost: catherine.james@powys.gov.uk neu
ffôn: 01597 826 768

Nid oes angen Gwiriad y DBS ar gyfer y swydd hon.

Cyflog: Graddfa 11 Pwynt 30 i Bwynt 32 £40,777 i £42,839 y flwyddyn £21.13 i £22.20 yr awr

Sylwch: ar hyn o bryd, nid yw Cyngor Sir Powys yn derbyn ceisiadau gan ymgeiswyr sydd angen fisa Gweithiwr Crefftus er mwyn cael hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn ymgeisio am swydd.

Yr hyn rydym yn ei gynnig

• Byddwn yn eich hyfforddi chi ac yn datblygu eich sgiliau
• Gweithio Hyblyg
• Cynllun Pensiwn gyda buddion diffiniedig gwarantedig
• Dysgu a Datblygu
• Cynllun Ceir Prydles
• Cyflog Cystadleuol
• Lle gwych i fyw
• Cynllun Gwobrau Cyngor Sir Powys
• Iechyd a Lles
• Buddion Aberthu Cyflog