Cyfeiriadur Mannau Cynnes

Mae llyfrgelloedd, amgueddfeydd ac archifau Powys yn cynnig amgylchedd croesawgar i aelodau ac i rai nad ydynt yn aelodau fel ei gilydd, mewn man cyhoeddus sydd wedi’i wresogi. Mae Llyfrgell Y Drenewydd yn darparu man cyfeillgar a chyfforddus i eistedd, ymlacio, ac i wneud defnydd o'r cyfleusterau niferus sydd ar gael am ddim, gan gynnwys wi-fi, defnydd o gyfrifiaduron a llyfrau. Mae rhaglen o weithgareddau cymdeithasol hefyd ar gael, sy’n rhoi’r cyfle i bobl sgwrsio ag eraill yn eu cymuned. Holwch yn y llyfrgell am fanylion. Mae'r cyfleuster yn hygyrch, yn gynnes ac yn ddiogel.

Mae llwybrau ac amserau bysiau'n gallu newid – holwch y cwmni sy’n darparu cludiant cyhoeddus lleol. Llwybr Bws T4 a X47. Arhosfan bws agosaf – Ty Ladywell. Llwybr Bws 81. Arhosfan agosaf Cwrt Croesawdy.

Mae'r holl gyfleusterau ar gael i'w defnyddio am ddim. Nid oes rhaid talu i fod yn aelod o’r llyfrgell, ac mae’r Wi-Fi a’r defnydd o’r cyfrifiaduron am ddim, er bod tâl am argraffu a llungopïo.