Cyfeiriadur Mannau Cynnes

Mae Oriel Davies yn cynnig Man Cynnes yn yr Oriel. Gallwch ddisgwyl awyrgylch cynnes, croesawgar a chyfeillgar. Does dim rhaid i chi gael rheswm i ymweld ag Oriel Davies i dreulio amser yno a chadw’n gynnes – ewch i mewn, gwnewch eich hun yn gyfforddus a gadewch i’r staff wybod a oes angen unrhyw help arnoch chi (bydd y staff yn gwisgo crys chwys gyda DAVIES wedi ei ysgrifennu ar y cefn).

Dyma beth sy’n cael ei gynnig: arddangosfeydd AM DDIM i’w gweld a chaffi â gwresogi o dan y llawr. Ceir rhaglen o ddigwyddiadau, lawer ohonynt am ddim, y gallwch arwyddo amdanynt ac ymuno â hwy. Mae ganddynt wybodaeth am ‘fanciau cynnes’ â rhagor o adnoddau gerllaw, manylion am sefydliadau cefnogi yn yr ardal, ac hysbysfwrdd cymunedol ar gyfer gwybodaeth am bethau sy’n digwydd mewn llefydd eraill. Mae yno doiled hygyrch niwtral o ran rhywedd. Maen nhw hefyd yn darparu blancedi cnu o ddeunydd sydd wedi ei ailgylchu 100%. Mae croeso i chi ddod â’ch dyfeisiadau llaw i’w gwefru a defnyddio’r Wi-Fi am ddim. Maen nhw’n edrych ymlaen at eich gweld chi!

Mae Gorsaf Fysiau y Drenewydd yn union tu allan i’r oriel.