Cyfeiriadur Mannau Cynnes

Mae llyfrgelloedd, amgueddfeydd ac archifau Powys yn cynnig amgylchedd croesawgar i aelodau ac i rai nad ydynt yn aelodau fel ei gilydd, mewn man cyhoeddus sydd wedi’i wresogi. Mae Llyfrgell y Gaer yn darparu man cyfeillgar a chyfforddus i eistedd, ymlacio, ac i wneud defnydd o'r cyfleusterau niferus sydd ar gael am ddim, gan gynnwys wi-fi, defnydd o gyfrifiaduron a llyfrau. Mae rhaglen o weithgareddau cymdeithasol hefyd ar gael, sy’n rhoi’r cyfle i bobl sgwrsio ag eraill yn eu cymuned. Holwch yn y llyfrgell am fanylion. Mae Amgueddfa ac Oriel Gelf y Gaer wedi’i lleoli yn yr un adeilad â’r llyfrgell, mae’n darparu man croesawgar i bawb ynghyd â mynediad am ddim i’w orielau. Anogir pobl i aros cyhyd ag yr hoffent, i fwynhau casgliadau'r amgueddfa, defnyddio’r Wi-Fi am ddim a gwneud defnydd o'r ardaloedd astudio. Mae'r cyfleuster yn hygyrch, yn gynnes ac yn ddiogel.


Mae llwybrau ac amserau bysiau'n gallu newid – cofiwch wirio’r rhain gyda'r cwmni sy’n darparu cludiant cyhoeddus lleol. Llwybr Bws T4, mae’r arhosfan bws agosaf yn Free Street. Mae Arhosfan Bws agosaf TrawsCymru yn y Gwrthglawdd. Mae arhosfan bws X43 TrawsCymru yng Nghyfnewidfa 3.

Mae'r holl gyfleusterau ar gael i'w defnyddio am ddim. Nid oes rhaid talu i fod yn aelod o’r llyfrgell, ac mae’r Wi-Fi a’r defnydd o’r cyfrifiaduron am ddim, er bod tâl am argraffu a llungopïo. Mae holl arddangosfeydd yr amgueddfa am ddim.