Neidio i'r prif gynnwys

Ffurflen Gais am Gludiant Ysgol

1. Gwybodaeth Bwysig i Rieni
  - Gellir cadarnhau hawl disgybl i gludiant dim ond ar ôl derbyn trwydded neu docyn teithio gan yr Awdurdod, yn dilyn llenwi a chyflwyno’r ffurflen hon gan yr ymgeisydd, ac NID trwy unrhyw gyfathrebu llafar.
  - Cynigir cludiant i ac o un cyfeiriad yn unig, sef cartref arferol y disgybl. Mesurir y pellteroedd mewn milltiroedd fel y nodir yma yn ôl y pellter cerdded byrraf.
  - Mewn tywydd drwg ac mewn argyfyngau, mae’n bosibl na fydd cludiant ysgol, a/neu fe all yr ysgolion fod ar gau. Dylai rhieni fod yn ymwybodol o hyn, ac efallai y bydd angen iddynt wneud trefniadau priodol i warchod eu plant. Dylai unrhyw rieni sy’n cludo eu plant i’r ysgol mewn tywydd drwg drefnu i ddod â hwy adref.
2. Rheoliadau Cludiant Ysgol
  - I fod yn gymwys am gludiant ysgol, RHAID i ddisgyblion sy’n mynd i ysgolion Cynradd fyw 2 filltir neu fwy o’r ysgol agosaf, a RHAID i ddisgyblion sy’n mynychu Ysgolion Uwchradd fyw 3 filltir neu fwy o’r ysgol agosaf.
  - Darperir cludiant cyswllt ar gyfer y canlynol yn unig – DISGYBLION YSGOL GYNRADD sy’n gymwys am gludiant am ddim ac sy’n byw un milltir neu ragor o brif lwybr cludiant ysgol. DISGYBLION YSGOL UWCHRADD o oed ysgol statudol sy’n byw dwy filltir neu ragor o brif lwybr cludiant ysgol.