Sefydlu tudalen wybodaeth am ddiogelu
![Image of a pair of glasses on a table and four hands forming a circle around a paper cutout of a family of four.](/image/17254/Image-of-a-pair-of-glasses-on-a-table-and-four-hands-forming-a-circle-around-a-paper-cutout-of-a-family-of-four./standard.png?m=1676284973297)
13 Chwefror 2023
![Image of a pair of glasses on a table and four hands forming a circle around a paper cutout of a family of four.](/image/17254/Image-of-a-pair-of-glasses-on-a-table-and-four-hands-forming-a-circle-around-a-paper-cutout-of-a-family-of-four./gi-responsive__100.png?m=1676284973297)
Mae Cyngor Sir Powys wedi sefydlu'r dudalen bwrpasol wrth iddo geisio cryfhau ei drefniadau diogelu corfforaethol yn dilyn adolygiad gan Archwilio Cymru y llynedd.
Ymhlith yr adrannau ar y dudalen wybodaeth mae:
- Cyfrifoldebau staff a chynghorwyr
- Manylion cyswllt er mwyn adrodd yn ôl am bryderon diogelu
- Polisi Diogelu Corfforaethol y cyngor gan gynnwys crynodeb o'r polisi
- Gwybodaeth am lywodraethiant
Dywedodd y Cynghorydd Richard Church, Aelod Cabinet dros Bowys Fwy Diogel ac Aelod Arweiniol dros Ddiogelu: "Rydym yn ymroddedig i fodloni'r holl argymhellion a amlinellwyd gan Archwilio Cymru yn dilyn eu hadolygiad a diogelu'r gwelliannau i sicrhau fod y trefniadau sydd gennym yn eu lle yn cadw ein preswylwyr yn ddiogel rhag niwed a cham-drin.
"Mae gan bob aelod o staff a chynghorydd gyfrifoldeb dros sicrhau fod y bobl maen nhw'n delio â nhw wedi eu diogelu rhag niwed a cham-drin. Mae angen iddyn nhw hefyd wybod sut i adnabod pobl a allai fod mewn perygl ac yna hysbysu'r bobl iawn cyn gynted â phosibl.
"Wrth ddatblygu'r dudalen bwrpasol hon am ddiogelu, bydd staff yn cael cymorth i ddeall eu rolau a'u cyfrifoldebau wrth helpu i gadw pobl Powys yn ddiogel rhag niwed a cham-drin."
"Fodd bynnag, mae diogelu yn gyfrifoldeb ar bawb ac mae gan bob un ohonom yn y wlad hon gyfrifoldeb dros gadw pobl yn ddiogel rhag niwed a cham-drin.
"Mae ein tudalen ddiogelu yn cynnwys manylion cyswllt pwysig i breswylwyr adrodd yn ôl am unrhyw bryderon sydd ganddynt am ddiogelwch plentyn, person ifanc neu oedolyn."
Gellir gweld y dudalen benodol ar ddiogelu yma Diogelu Corfforaethol