Digwyddiadau recriwtio ar gyfer swyddi gofal preswyl
08 Mawrth 2023
Beth am ddod i un o'r digwyddiadau recriwtio fydd yn cael eu cynnal ar draws y sir i ddysgu mwy am weithio mewn un o'n cartrefi preswyl.
Bydd y digwyddiadau'n gyfle i'r sawl sydd â diddordeb yn y swyddi ddysgu mwy am y cyfleoedd gwaith sydd ar gael ar hyn o bryd, ac i ofyn cwestiynau i'n tîm cyfeillgar. Hefyd bydd ein staff ar gael i roi arweiniad ac i'ch helpu llenwi'r ffurflen gais.
Byddwn yn croesawu unrhyw un sydd â diddordeb mewn gyrfa ym maes gofal, boed hynny'n golygu ar gychwyn eich gyrfa, os oes gennych brofiad eisoes, neu os ydych chi'n chwilio am her newydd.
Cynhelir y digwyddiadau yn y lleoliadau canlynol:
- Canolfan Integredig i Deuluoedd, Oldford, Y Trallwng, ddydd Llun 20 Mawrth am 11am - 1pm
- Neuadd Les y Glowyr, Ystradgynlais, ddydd Gwener 24 Mawrth am 11am - 1pm
Trwy weithio gyda ni, byddwch yn gwneud gwahaniaeth cadarnhaol i fywydau pobl ifanc yn y maes arbenigol hwn o fewn gofal preswyl, ac yn cefnogi plant a phobl ifanc ym Mhowys.
Rydym yn cynnig buddion gwych i'n gweithwyr, gan gynnwys cyflogau rhagorol, ynghyd â hyfforddiant a chyfleoedd datblygu gwych.
Mae cyfleoedd gwaith ar gyfer staff gofal cymwys, uwch aelodau staff gofal, yn ogystal ag unigolion sydd â phrofiad o weithio gyda phlant a phobl ifanc, a'r sawl sydd am weithio tuag at gymwysterau FfCCh.
Dywedodd yr Aelod Cabinet ar gyfer Cenedlaethau'r Dyfodol, y Cynghorydd Sandra Davies: "Rydym wedi ymrwymo i wireddu'r canlyniadau gorau ar gyfer plant, pobl ifanc a theuluoedd ym Mhowys, felly, os hoffech gael cyfle newydd, a gallu gwneud gwahaniaeth cadarnhaol, beth am ddod i gwrdd â ni i ddysgu mwy am y swyddi sydd ar gael."
I weld y swyddi gwag ar hyn o bryd, ewch i: https://cy.powys.gov.uk/swyddi
Rhannu'r dudalen hon
Argraffu
