Ydy cymorth Cysylltu Bywydau yn iawn i mi?

Gofynnir i bobl sy'n defnyddio Cysylltu Bywydau:

Os ydych chi'n meddwl yr hoffech ddefnyddio'r gwasanaeth, mae ychydig o bethau y byddwn yn eu gwneud:

Byddwn yn gofyn i'ch Gweithiwr Cymdeithasol wneud atgyfeiriad.
Byddwn yn cwrdd â chi ac unrhyw un arall yr hoffech iddo/iddi fod yn gysylltiedig.
Byddwn yn siarad â chi am yr hyn sy'n bwysig i chi a pha ganlyniadau yr hoffech eu cyflawni. Byddwn yn ysgrifennu hyn i lawr mewn Cynllun Personol a byddwn yn ei rannu gyda chi.
Os ydym yn credu bod gennym Ofalwr Cysylltu Bywydau a fyddai'n iawn i chi, byddwn yn trefnu i chi gwrdd er mwyn i chi ddod i adnabod eich gilydd.
Os ydych chi a'r Gofalwr Cysylltu Bywydau yn cytuno bod hyn yn iawn i'r ddau ohonoch, byddwn yn cytuno ar Gytundeb Lleoli sy'n disgrifio'r hyn y mae pawb yn mynd i'w wneud.
Os hoffech fyw gyda Gofalwr Cysylltu Bywydau, aros am seibiannau byr neu gael cymorth sesiynol, efallai y gofynnir i chi gyfrannu rhywfaint o arian tuag at eich gwasanaeth.
Bydd ein tîm cyllid yn gwneud asesiad ac yn dweud wrthych faint fydd hyn, yna byddwch yn penderfynu a yw Cysylltu Bywydau yn iawn i chi.

Nid oes rhaid i chi hoffi'r un pethau i gyd ond mae'n bwysig eich bod chi'n mwynhau cwmni eich gilydd ac yn dysgu sgiliau newydd gyda'ch gilydd.

Mae llawer o bethau a all wneud y person iawn i fod yn ofalwr Cysylltu Bywydau i chi, megis:

Efallai y byddech yn teimlo bod yr un pethau'n ddoniol a chael hwyl gyda'ch gilydd
Efallai bod gennych yr un credoau crefyddol
Efallai y bydd y ddau ohonoch yn gwylio'r un math o ffilmiau neu'n gwrando ar yr un mathau o gerddoriaeth
Gallech hoffi'r un chwaraeon neu dimau
Gallech gael hobïau neu ddiddordebau tebyg