Dal i fod amser i gyflwyno cais ar gyfer Blynyddoedd Cynnar

15 Mawrth 2023

Mae Cyngor Sir Powys wedi dweud bod dal i fod amser i rieni neu ofalwyr i gyflwyno ceisiadau ar gyfer plant a fydd yn dechrau addysg cyn-ysgol yn 2024.

Rhaid i geisiadau ar gyfer derbyniadau Blynyddoedd Cynnar gael eu llenwi a'u cyflwyno erbyn dydd Gwener, 31 Mawrth 2023.

Bydd y ceisiadau ar gyfer plant a anwyd rhwng 1 Medi 2020 a 31 Awst 2021 ar gyfer lle mewn lleoliad y blynyddoedd cynnar yn 2024.

Mae Llywodraeth Cymru'n ariannu'r cyngor i sicrhau y caiff pob plentyn ym Mhowys fynediad at addysg y blynyddoedd cynnar rhan amser am ddim, o ddechrau'r tymor yn dilyn pen-blwydd y plentyn yn deirblwydd.

Gall pob plentyn cymwys dderbyn uchafswm o ddeng awr yr wythnos o addysg y blynyddoedd cynnar a ariennir os ydynt yn mynychu lleoliad addysg cyn-ysgol cymeradwy a ariennir.

Bydd plant sy'n gymwys ar gyfer addysg rhan amser am ddim, ond yn derbyn lleoedd a ariennir os ydynt yn mynychu lleoliad addysg cyn-ysgol cymeradwy a ariennir.

Dywedodd y Cyng Pete Roberts, Aelod Cabinet ar gyfer Powys sy'n Dysgu: "Hoffwn annog rhieni a gofalwyr i lenwi'r cais hwn cyn gynted ag y gallant er mwyn sicrhau bod gan eu plentyn y cyfle gorau am le yn y lleoliad cyn oed ysgol / blynyddoedd cynnar o'u dewis y flwyddyn nesaf.

"Os na fydd y cais yn cael ei anfon mewn da bryd, gallai peryglu lle eu plentyn yn y lleoliad o'u dewis os yw'n un poblogaidd."

Bydd angen i rieni / gofalwyr lenwi ffurflen gais ar-lein yn Cais am Leoliad Cyn Ysgol (3 a 4 oed)

Os oes gennych unrhyw gwestiynau neu os ydych yn cael trafferth llenwi neu gyflwyno'r cais mae croeso i chi gysylltu â'r Tîm Derbyn ar 01597 826449 neu e-bostio preschooladmissions@powys.gov.uk