Prif Weithredwr Dros Dro

03 Ebrill 2023

Mae Cyngor Sir Powys wedi cyhoeddi bod Prif Weithredwr dros dro wedi'i benodi oherwydd bod Dr Caroline Turner, y Prif Weithredwr presennol, yn absennol oherwydd salwch.

Bydd cyn Brif Weithredwr Cyngor Dinas a Sir Abertawe, Jack Straw OBE, yn dechrau yn y  swydd Prif Weithredwr Dros Dro ar 10 Ebrill.

Dywedodd y Cynghorydd James Gibson-Watt, Arweinydd Cyngor Sir Powys, "Mae Jack yn swyddog gweithredol lleol profiadol iawn sy'n adnabyddus i Bowys gan iddo gadeirio Bwrdd Gwella a Sicrwydd y cyngor yn y gorffennol.

"Rydym yn edrych ymlaen at ei groesawu yn ôl i Bowys ac yn y cyfamser dymunwn y gorau i Caroline a gwellhad buan iddi."

Wrth sôn am ei benodiad dywedodd Jack, "Rwy'n croesawu'r cyfle i weithio eto gyda'r Cynghorwyr a'r Swyddogion ym Mhowys a byddaf yn parhau â'r ffocws ar gynnal a gwella'r gwasanaethau cyhoeddus hanfodol y mae'r cyngor a'i bartneriaid yn gyfrifol amdanynt."

Mae gan Jack dros 40 mlynedd o brofiad yn Llywodraeth leol a'r GIG, gan gynnwys Prif Weithredwr o Fwrdd Iechyd Abertawe, Cyfarwyddwr Gwasanaethau Cymdeithasol a Thai, a Phrif Weithredwr Cyngor Dinas a Sir Abertawe.