Cynghorau'n uno i ddangos cefnogaeth yn Pride Cymru 2023
10 Gorffennaf 2023
Gwnaeth yr awdurdod gymryd rhan yn nigwyddiad Pride Cymru y mis diwethaf fel rhan o rwydwaith 'Cynghorau Balch', sydd wedi ei gynllunio i alluogi cynghorau ledled y rhanbarth i weithio ynghyd gan hyrwyddo gwasanaethau a chynnig eu cefnogaeth.
Teithiodd cynrychiolwyr o Gyngor Sir Powys i Gaerdydd ar gyfer y digwyddiad ochr yn ochr â chydweithwyr o Rondda Cynon Taf, Pen-y-Bont, Casnewydd, Caerdydd a Blaenau Gwent.
Ymunodd staff, cynghorwyr ac aelodau'r fforwm ieuenctid â'r miloedd o bobl a oedd yn gorymdeithio drwy strydoedd Caerdydd gan arddangos ymrwymiad a chefnogaeth pob cyngor i'r gymuned LHDT+ yng Nghymru.
Fel aelod o rwydwaith 'Cynghorau Balch', mae Cyngor Sir Powys yn ymroddedig i fod yn rhagweithiol wrth hyrwyddo cynhwysiant LHDT+ yn ein gweithluoedd a'n cymunedau.
Dywedodd y Cynghorydd Matthew Dorrance, Dirprwy Arweinydd Cyngor Sir Powys ac Aelod Cabinet ar gyfer Powys Decach: "Mae parhau â phresenoldeb Cyngor Sir Powys yn nigwyddiad Pride Cymru yng Nghaerdydd am yr ail flwyddyn yn anhygoel.
"Rwy'n falch fy mod wedi bod yno yn cynrychioli Powys, ochr yn ochr â llawer o gefnogwyr eraill o'r Cyngor a chynghorau eraill ledled Cymru, o dan faner rhwydwaith 'Cynghorau Balch'.
"Mae gweld yr ymroddiad a'r gefnogaeth a roddir gan y Cyngor i'r gymuned LHDT+ yng Nghymru yn ffantastig a boed i hynny barhau am amser hir."
Rhannu'r dudalen hon
Argraffu
