Dysgwyr yn dathlu canlyniadau Lefel A a chymwysterau Lefel 3
17 Awst 2023
Mae Cyngor Sir Powys yn falch i glywed am y nifer fawr o ddysgwyr a gafodd y canlyniadau oedd eu hangen i symud ymlaen i'r cam nesaf at ddyfodol cyffrous, un ai mewn prifysgol, i brentisiaeth neu i'r gweithle.
Dywedodd y Cynghorydd Pete Roberts, Aelod Cabinet ar gyfer Powys sy'n Dysgu: "Hoffwn longyfarch pob un o'n dysgwyr ar eu canlyniadau heddiw.
"Rwy'n hynod falch o gyraeddiadau pob un o'n dysgwyr ac mae'n braf clywed am eu llwyddiannau.
"Rwyf am ddiolch i bawb yn yr ysgolion am gefnogi'r dysgwyr trwy eu harholiadau a hefyd i'w teuluoedd am eu rôl hanfodol yn cefnogi ac yn annog eu plant trwy gydol eu haddysg.
"Hoffwn ddymuno pob llwyddiant i'r dysgwyr yn eu pennod nesaf."