Dysgwyr yn dathlu canlyniadau TGAU a chymwysterau Lefel 2
24 Awst 2023
Mae Cyngor Sir Powys yn falch iawn i glywed am y nifer fawr o ddysgwyr a gafodd y canlyniadau oedd eu hangen i symud ymlaen i'r cam nesaf ar eu llwybr gyrfa, boed mewn addysg, hyfforddiant neu brentisiaeth.
Dywedodd y Cynghorydd Pete Roberts, Aelod Cabinet ar gyfer Powys sy'n Dysgu: "Hoffwn longyfarch pob un o'n disgyblion a gafodd eu canlyniadau TGAU a chymwysterau Lefel 2 heddiw.
"Rwyf yn falch iawn o gyraeddiadau pob un o'n dysgwyr, a phleser enfawr yw clywed straeon am eu llwyddiant.
"Rwyf am ddiolch i bawb yn yr ysgolion am gefnogi'r dysgwyr trwy eu harholiadau a hefyd i'w teuluoedd sydd wedi chwarae rhan hollbwysig o ran cefnogi ac annog eu plant trwy gydol eu haddysg.
"Wrth edrych tua'r dyfodol buaswn yn annog pob dysgwr i geisio cyngor ac arweiniad ar yr amrywiaeth o gyfleoedd dysgu ôl-16 sydd ar gael iddynt gan gynnwys yr opsiwn i fynd i'r Chweched Dosbarth ym Mhowys.
"Dymunaf bob llwyddiant i'n holl ddysgwyr yn y dyfodol."
I ddysgu rhagor am opsiynau Chweched Dosbarth Powys, ewch i www.powys6.cymru