Dyled Fy Nghyngor
Mae gan Gyngor Sir Powys dimau profiadol ac ymroddedig i'ch helpu i drin eich dyledion sy'n ddyledus i ni. Mawr neu fach, rydyn ni yma i chi.
Gallwn eich helpu i leihau a rheoli sawl ffynhonnell dyled. Byddwn yn asesu eich sefyllfa ac yn cynnig cyngor ac argymhellion wedi'u teilwra'n arbennig i chi, gan wneud cais am gynlluniau perthnasol ar eich rhan i helpu i leihau eich gwariant.
Mae 4 math o ddyledion y mae'r tîm adennill yn gyfrifol am eu hadennill, sef:
- Ôl-ddyledion Treth y Cyngor
- Ôl-ddyledion Trethi Busnes
- Gordaliadau Budd-daliadau Tai
- Arall (a elwir yn Fân Ddyledion)
Sut gallwn ni eich helpu chi?
Rwy'n mynd i'w chael hi'n anodd talu anfoneb a dderbyniais gan Gyngor Sir Powys
Os ydych wedi derbyn anfoneb gennym ond yn meddwl y gallech gael trafferth ei thalu, cysylltwch â ni ar y rhif sydd ar yr anfoneb a byddwn yn cynnig rhywfaint o gefnogaeth/canllaw i chi allu gwneud taliadau.
Rwyf wedi derbyn gwŷs gan Gyngor Sir Powys
Os ydych chi wedi derbyn gwŷs, bydd gofyn ichi gysylltu â'r tîm Adfer i drefnu taliadau trwy ffonio'r rhif a nodir ar eich gwŷs, ac wedyn dilyn yr opsiynau a nodir.
Os na ellir adennill dyled, yna trosglwyddir y ddyled i gwmni'r beili.
Rwyf am godi anghydfod ynghylch dyled sydd gennyf
Os oes gennych ddyled yn ymwneud ag anfoneb hwyr a'ch chithau'n dymuno codi anghydfod gyda'r gwasanaeth, llenwch y ffurflen isod
Ffurflen Anghydfod Ffurflen Anghydfod
Newid mewn Amgylchiadau
Os bu newid yn eich amgylchiadau y mae angen i ni wybod amdano, a fydd yn effeithio ar eich gallu i gyfathrebu â ni, eich gallu i dalu rhandaliad ac ati (h.y. wedi symud tŷ (ond ddim yn atebol am y bil Treth y Cyngor), colli gwaith, newid manylion banc ac ati) llenwch y ffurflen isod.
Ffurflen Newid Amgylchiadau Ffurflen Newid Amgylchiadau
Oes angen help arnoch chi gyda Chyngor Ariannol neu Gefnogaeth Macmillan?
Gall ein tîm sydd wedi'i hyfforddi a'i achredu gynnig amrywiaeth o gyngor am ddim ynglŷn ag arian a chymorth i chi.