Cymorth i Oedolion
Pa fath o help sydd ar gael?
Mae'n bosibl cael cefnogaeth i oedolion gydag awtistiaeth trwy Wasanaeth Awtistiaeth Integredig Powys ac mae'n cynnwys asesiad gwneud diagnosis o awtistiaeth mewn oedolion a chymorth ôl-diagnosis. Mae'r daflen (PDF) [246KB] yn rhoi esboniad pellach o'r broses.
Mae asesiad gwneud diagnosis o awtistiaeth mewn oedolion yn cynnwys y camau sylfaenol canlynol a bydd yn cael ei wneud gan y Gwasanaeth Awtistiaeth Integredig ym Mhowys:
- Sgrinio - i'w wneud gan unrhyw weithiwr proffesiynol neu unigolyn sy'n gweithio yn y maes, megis Meddyg Teulu / gweithiwr proffesiynol arall neu weithiwr cymdeithasol neu atgyfeirio eich hun.
- Atgyfeirio - Y Gwasanaeth Awtistiaeth Integredig yw'r un man cyswllt ar gyfer unrhyw atgyfeiriadau.
- Dyrannu - Bydd tîm o weithwyr proffesiynol cymwys o wahanol broffesiynau'n ystyried yr atgyfeiriad mewn cyfarfod misol. Mae'n bosibl gofyn am ragor o wybodaeth ar yr adeg hon os na dderbyniwyd ffurflen atgyfeirio, neu nad yw'r wybodaeth yn gyflawn.
- Asesu - Bydd apwyntiadau diagnostig yn cael eu cynnal gan aelodau hyfforddedig y Gwasanaeth Awtistiaeth Integredig neu gan dimoedd cymunedol.
- Adnabod anghenion cymorth -Bydd rhan o'r asesiad yn cynnwys gweld beth yw eich anghenion o ran cymorth ychwanegol.
- Adroddiad - Byddwn yn llunio ac yn rhannu adroddiad gyda chi cyn y byddwn yn ei rannu'n fwy eang (gyda'ch caniatâd chi)
Mae'r Gwasanaeth Awtistiaeth Integredig yn gweithio gyda llwyth o sefydliadau eraill i ddatblygu gwasanaethau i oedolion gydag awtistiaeth.
Cyswllt
Eich sylwadau am ein tudalennau
Rhannu'r dudalen hon
Argraffu
