Partneriaeth Sgiliau Rhanbarthol yn Datgelu Diweddariad i'w Chynllun Cyflogaeth a Sgiliau yn y Sioe
![Image of Bryan Davies, Leader of Ceredigion County Council, Emma Thomas, Chair of the Mid Wales Regional Skills Partnership, and Councillor James Gibson-Watt, Royal Welsh Show](/image/21599/Image-of-Bryan-Davies-Leader-of-Ceredigion-County-Council-Emma-Thomas-Chair-of-the-Mid-Wales-Regional-Skills-Partnership-and-Councillor-James-Gibson-Watt-Royal-Welsh-Show/standard.png?m=1721656966157)
22 Gorffennaf 2024
![Image of Bryan Davies, Leader of Ceredigion County Council, Emma Thomas, Chair of the Mid Wales Regional Skills Partnership, and Councillor James Gibson-Watt, Royal Welsh Show](/image/21599/Image-of-Bryan-Davies-Leader-of-Ceredigion-County-Council-Emma-Thomas-Chair-of-the-Mid-Wales-Regional-Skills-Partnership-and-Councillor-James-Gibson-Watt-Royal-Welsh-Show/gi-responsive__100.png?m=1721656966157)
Mae'r cynllun wedi'i ddiweddaru yn cynnwys gwybodaeth newydd am y farchnad lafur a data ansoddol, sy'n cynnig rhagolygon twf manwl ar gyfer Powys a Cheredigion. Cydweithiodd PSRh gyda grwpiau clwstwr a arweiniwyd gan fyd busnes i gasglu dirnadaeth o ddiwydiannau penodol, gan sicrhau bod y cynllun yn bodloni galwadau presennol economi Canolbarth Cymru a'i galwadau yn y dyfodol.
Mae'r cynllun wedi'i ddiweddaru yn amlygu meysydd twf allweddol tan 2028, gan gynnwys cynnydd o 6% yn y sectorau adeiladu a chynhyrchu uwch, cynnydd o 9% mewn cynhyrchu bwyd a diod, a thwf o 4% yn y sector digidol. Mae hefyd yn pwysleisio pwysigrwydd sgiliau sy'n gysylltiedig â Sero Net ac ynni, gan amlygu gofynion y gweithlu sy'n dod i'r amlwg.
Dywedodd Cynghorydd James Gibson-Watt, Arweinydd Cyngor Sir Powys, a Chynghorydd Bryan Davies, Arweinydd Cyngor Sir Ceredigion, Cyd Gadeiryddion Bwrdd PSRh, "Rydym yn falch gyda'r camau cadarnhaol y mae'r rhanbarth wedi'u cymryd gan sicrhau twf. Trwy gydweithio gydag ysgolion, colegau, prifysgolion a darparwyr hyfforddiant, mae'r PSRh yn helpu i sicrhau bod y sgiliau cywir ar gael ar yr adeg gywir i fodloni galwadau ein cyflogwyr yng Nghanolbarth Cymru."
Dywedodd Emma Thomas, Cadeirydd Partneriaeth Sgiliau Rhanbarthol Canolbarth Cymru, "Mae diweddariad Cynllun Cyflogaeth a Sgiliau 2024 yn dyst i'n hymdrechion parhaus i gefnogi datblygiad economaidd y rhanbarth."
Mae PSRh Canolbarth Cymru yn annog rhanddeiliaid, busnesau a'r gymuned i archwilio'r Cynllun Cyflogaeth a Sgiliau cynhwysfawr ar wefan Tyfu Canolbarth Cymru: www.tyfucanolbarth.cymru/PartneriaethSgiliauRhanbartholCanolbarthCymru
Mae'r Partneriaeth Sgiliau Rhanbarthol Canolbarth Cymru yn rhan o dîm Tyfu Canolbarth Cymru ac yn gweithio ar draws siroedd Ceredigion a Powys, yn sicrhau bod y weledigaeth ar gyfer Tyfu Canolbarth Cymru yn cael ei datblygu a'i gwireddu. Mae hyn yn cynnwys gweithio i hybu buddsoddiad mewn sgiliau drwy ddatblygu ymatebion seiliedig ar anghenion lleol a rhanbarthol.
I gael y wybodaeth ddiweddaraf am waith Tyfu Canolbarth Cymru, cofrestrwch i dderbyn cylchlythyr misol drwy e-bostio tyfucanolbarthcymru@ceredigion.gov.uk