Newidiadau i'r Rheoliadau Adeiladu

Rôl deiliaid dyletswydd

Cyflwynodd Rheoliadau Adeiladu 2010 fel y'u diwygiwyd yn 2023 rôl deiliaid dyletswydd.

Mae tri deiliad dyletswydd newydd wedi'u diffinio yn y rheoliadau diwygiedig:

Cleient / Cleientiaid Domestig -a elwid gynt yn Ymgeisydd
Prif Ddylunydd -a elwid gynt yn Asiant
Prif Gontractwr -a elwid gynt yn Adeiladwr

Mae'r rheoliadau'n dweud wrthym fod yn rhaid i bob deiliad dyletswydd fod â threfniadau a systemau ar waith i gynllunio, rheoli a monitro'r gwaith dylunio a'r gwaith adeiladu i sicrhau eu bod yn cydymffurfio â Rheoliadau Adeiladu.

Mae hyn yn cynnwys perchnogion cartrefi preswyl a all fod yn dechrau ar brosiect am y tro cyntaf. Cyfeirir atberchnogion cartrefi preswyl fel Cleientiaid Domestig.

Mae'r ddyletswydd i sicrhau cydymffurfiaeth yn parhau gyda'r rhai sy'n caffael y gwaith adeiladu a'r rhai sydd â rolau allweddol yn y broses ddylunio ac adeiladu ac sy'n gyfrifol am sicrhau bod gwaith adeiladu yn cael ei gynllunio a'i adeiladu i gydymffurfio â Rheoliadau Adeiladu. Mae'n ofynnol i'r deiliaid dyletswydd weithio gyda'i gilydd i sicrhau bod y prosiect yn cydymffurfio â gofynion y rheoliadau ac yn y pen draw yn sicrhau y gall y Corff Rheolaeth Adeiladu gyhoeddi ei dystysgrif gwblhau.

Mae angen i gleientiaid (gan gynnwys cleientiaid domestig) sicrhau bod y rhai y maent yn eu penodi yn gymwys (meddu ar y sgiliau, y wybodaeth, y profiad a'r ymddygiad angenrheidiol) neu os ydynt yn penodi sefydliad, bod ganddynt y gallu sefydliadol, i wneud y gwaith dylunio a'r gwaith adeiladu y maent yn ymwneud â'i wneud ac ymgymryd yn unig â'r gwaith oddi fewn i derfynau'r cymhwysedd hwnnw.

Gall deiliad dyletswydd fod yn sefydliad neu'n unigolyn, a gall deiliad dyletswydd gyflawni rôl mwy nag un deiliad dyletswydd, ar yr amod bod ganddynt y sgiliau, y wybodaeth, y profiad ac (os yw'n sefydliad) y gallu sefydliadol a'r cymhwysedd angenrheidiol i gyflawni'r rolau hynny.

Prif ddyletswyddau pob rhanddeiliad

Cleientiaid domestig

Ystyr cleient domestig yw cleient y mae prosiect yn cael ei gyflawni ar ei gyfer nad yw yng nghwrs neu'n hyrwyddo busnes y cleient hwnnw.

Prif ddyletswyddau - yr hyn y mae'n rhaid iddynt ei wneud

Rhaid darparu'r wybodaeth adeiladu sydd ganddynt, neu y byddai'n rhesymol iddynt ei chael, i ddylunwyr a chontractwyr sy'n gweithio ar y prosiect.
Rhaid cydweithio ag unrhyw un sy'n gweithio ar y prosiect neu mewn perthynas ag ef i'r graddau sy'n angenrheidiol i'w galluogi i gydymffurfio â'u dyletswyddau neu swyddogaethau.

Os oes mwy nag un person yn gweithio ar wahanol agweddau ar y prosiect, dylai Cleient Domestig benodi Prif Ddylunydd i reoli gwaith dylunio a Phrif Gontractwr i reoli'r gwaith adeiladu.

Os nad yw Cleient Domestig yn penodi naill ai Prif Ddylunydd neu Brif Gontractwr, y dylunydd sy'n rheoli cam cynllunio'r prosiect yw'r prif ddylunydd a'r contractwr sy'n rheoli cam adeiladu'r prosiect yw'r prif gontractwr.

Gellir dod o hyd i gyfrifoldebau Cleientiaid heblaw Cleientiaid Domestig isod.

Cleient

Sefydliadau neu unigolion y cynhelir prosiect adeiladu ar eu cyfer sy'n cael ei wneud fel rhan o fusnes.

Prif ddyletswyddau - yr hyn y mae'n rhaid iddynt ei wneud

Gwneud trefniadau addas ar gyfer cynllunio, rheoli a monitro prosiect, gan gynnwys dyrannu digon o amser ac adnoddau, i gydymffurfio â Rheoliadau Adeiladu. Yn ymarferol, mae hyn yn golygu penodi'r bobl gywir, gyda'r cymwyseddau cywir (y sgiliau, gwybodaeth, profiad ac ymddygiad) ar gyfer y gwaith a sicrhau bod gan y rhai y maent yn eu penodi systemau ar waith i sicrhau eu bod yn cydymffurfio â Rheoliadau Adeiladu.
Pan fo nifer o gwmnïau'n gweithio ar wahanol agweddau ar y prosiect, bydd angen i'r cleient benodi Prif Ddylunydd i reoli gwaith dylunio a Phrif Gontractwr i reoli'r gwaith adeiladu.
Darparu gwybodaeth adeiladu i bob dylunydd a chontractwr ar y prosiect a chael trefniadau i sicrhau bod gwybodaeth yn cael ei darparu i ddylunwyr a chontractwyr i'w gwneud yn ymwybodol bod y prosiect yn cynnwys unrhyw waith adeiladu risg uwch presennol neu arfaethedig.
Cydweithredu a rhannu gwybodaeth â deiliaid dyletswydd perthnasol eraill.

Prif Ddylunwyr (PD)

Dylunydd a benodwyd gan y cleient/cleient domestig mewn prosiectau sy'n cynnwys mwy nag un contractwr. Gallant fod yn sefydliad neu'n unigolyn sydd â gwybodaeth, profiad a gallu digonol i gyflawni'r rôl.

Prif ddyletswyddau - yr hyn y mae'n rhaid iddynt ei wneud

Cynllunio, rheoli a monitro'r gwaith dylunio yn ystod y cyfnod cynllunio.
Cymryd pob cam rhesymol i sicrhau bod y gwaith dylunio a wneir ganddynt hwy ac unrhyw un sydd o dan eu rheolaeth yn cael ei gynllunio, ei reoli a'i fonitro fel bod y dyluniad yn golygu, pe bai'n cael ei adeiladu, y byddai'n cydymffurfio â holl ofynion perthnasol y Rheoliadau Adeiladu.
Sicrhau eu bod nhw, a phawb sy'n gweithio ar y prosiect, yn cydweithredu, yn cyfathrebu ac yn cydlynu eu gwaith gyda'r cleient, y Prif Gontractwr, a dylunwyr a chontractwyr eraill.
Cysylltu â'r Prif Gontractwr a rhannu gwybodaeth sy'n berthnasol i'r gwaith adeiladu.
Cynorthwyo'r cleient i ddarparu gwybodaeth i eraill.

Prif Gontractwyr (PC)

Contractwr a benodwyd gan y cleient i gydlynu cam adeiladu prosiect lle mae'n cynnwys mwy nag un contractwr.

Prif ddyletswyddau - yr hyn y mae'n rhaid iddynt ei wneud

Cynllunio, rheoli a monitro'r gwaith dylunio yn ystod y gwaith adeiladu.
Cydweithredu â'r cleient, y Prif Ddylunydd, a dylunwyr a chontractwyr eraill i'r graddau sy'n angenrheidiol i sicrhau bod y gwaith yn cydymffurfio â holl ofynion perthnasol y Rheoliadau Adeiladu.
Sicrhau eu bod nhw, a phawb sy'n gweithio ar y prosiect, yn cydweithredu, yn cyfathrebu ac yn cydlynu eu gwaith gyda'r cleient, y Prif Ddylunydd, a dylunwyr a chontractwyr eraill.
Cysylltu â'r Prif Ddylunydd a rhannu gwybodaeth sy'n berthnasol i'r gwaith adeiladu.
Cynorthwyo'r cleient i ddarparu gwybodaeth i eraill.

Helpu cleientiaid / cleientiaid domestig i wneud cais Rheolaeth Adeiladu

Pan fydd Cleient neu Gleient Domestig yn cyfarwyddo Rheolaeth Adeiladu, byddant yn gallu dewis un o ddau lwybr cyflwyno: gwneud Cais Cynlluniau Llawn neu gyflwyno Hysbysiad Adeiladu.

Mae'n arfer cyffredin i Gleient/Cleient Domestig ddirprwyo cyflwyniad y gwaith papur perthnasol i'w Prif Ddylunydd neu Brif Gontractwr. Mae'r tabl isod yn rhoi crynodeb cyflym i'ch helpu i ddewis y llwybr gorau.

(DS. Ni ellir defnyddio hysbysiadau adeiladu ar gyfer gwaith i eiddo masnachol)

Noder: Bydd pob cais a ddilyswyd gennym o 1 Hydref ymlaen yn cael ei drin o dan y rheoliadau sydd bellach mewn grym, gan gynnwys y rhai a gyflwynwyd cyn y dyddiad hwn.

Categori Cais cynlluniau llawn

Cyflwynwyd gan

Fel arfer fe'i cyflwynir gan y Prif Ddylunydd

Cynlluniau

Fel arfer yn cael ei gyflwyno gan y Cleient Domestig neu eu Prif Gontractwr

Mathau o brosiectau

Anheddau newydd
Estyniadau
Garejys newydd
Yr holl waith sy'n gysylltiedig ag adeiladau masnachol

Deiliaid dyletswydd

Cleient/Domestig
Prif Ddylunydd

Prif Gontractwr (a benodir fel arfer ar ôl i'r Cais Cynlluniau Llawn gael ei wneud)

Ffioedd

Mae ffioedd yn daladwy mewn dau gam

Cam 1: pan gyflwynir Cais Cynlluniau Llawn (ffi gwirio'r Cynllun).
Cam 2: pan fydd gwaith yn dechrau ar y safle (Ffi arolygu).

Amserlenni

Unwaith y bydd cais Cynlluniau Llawn neu Hysbysiad Adeiladu wedi'i ddilysu, mae gennych dair blynedd i'r gwaith ddechrau ar y safle.

Defnyddir y llwybr hwn pan nad yw'r prosiect yn dechrau am rai misoedd, ac efallai y byddwch yn dal i fynd drwy'r broses gynllunio.

Er eich bod wedi penodi dylunydd, efallai y bydd yn rhaid i chi benodi eich Prif Gontractwr o hyd.

Diwedd y prosiect

Rhaid trefnu archwiliad terfynol o fewn pum diwrnod i'r gwaith gwblhau.

Rhaid i bob cofrestriad sy'n ofynnol fel y rhai sydd eu hangen ar gyfer gwaith trydanol a boeleri/nwy gan Berson Cymwys gael ei gwblhau a'i hysbysu i ni.

Mae'r holl ddogfennaeth, gan gynnwys cynlluniau terfynol, yn cael eu cadw gan y Cleient/Cleient Domestig.

Unwaith y bydd archwiliad terfynol boddhaol wedi'i gwblhau, byddwn yn cyhoeddi Tystysgrif Gwblhau i'r Cleient/Prif Gleient. Mae hon yn ddogfen bwysig y bydd ei hangen os yw'r eiddo'n cael ei werthu neu ei ail-forgeisio.

Hysbysiad Adeiladu Categori

Cyflwynwyd gan

Fel arfer yn cael ei gyflwyno gan y Cleient Domestig neu ei Brif Gontractwr

Cynlluniau

Prosiectau lle nad oes cynlluniau a dyluniadau manwl, neu sydd wedi'u cyfyngu i luniadau strwythurol.

Mae rhai prosiectau lle na ellir caniatáu Hysbysiad Adeiladu, a byddwn yn eich cynghori pe bai'r amgylchiadau'n codi.

Mathau o brosiectau

Er y gellir defnyddio'r llwybr hwn ar gyfer anheddau newydd, estyniadau a garejys newydd, ni ellir ei ddefnyddio ar gyfer adeiladau masnachol.

Defnyddir y llwybr hwn fel arfer ar gyfer prosiectau syml mewn adeiladau domestig fel y canlynol:

Tynnu waliau mewnol
Addasiadau i garej
Ffenestri a drysau newydd nad ydynt wedi cael eu gosod gan berson cymwys

Deiliaid dyletswydd

Cleientiaid Domestig
Mae'r Prif Ddylunydd yn beiriannydd strwythurol
Prif Gontractwr (Mae'n debygol mai'r person hwn fydd y prif gyswllt i'r Cleient Domestig)

Ffioedd

Cyflwynir yr holl ffioedd pan gyflwynir Hysbysiad Adeiladu.

Amserlenni

Defnyddir y llwybr hwn pan fydd y prosiect yn dechrau o fewn ychydig wythnosau.

Byddwch wedi cael eich cymeradwyaeth gynllunio os oes angen ac efallai eich bod wedi cynnwys Peiriannydd Strwythurol i ddarparu cyfrifiadau, ond nid oes angen i ni wirio cynlluniau adeiladu manwl.

Diwedd y prosiect

Rhaid trefnu archwiliad terfynol o fewn pum diwrnod i'r gwaith gwblhau.

Rhaid i bob cofrestriad sy'n ofynnol fel y rhai sydd eu hangen ar gyfer gwaith trydanol a boeleri/nwy gan Berson Cymwys gael ei gwblhau a'i hysbysu i ni.

Mae'r holl ddogfennaeth, gan gynnwys cynlluniau terfynol, yn cael eu cadw gan y Cleient/Cleient Domestig.