Gallai 600 o gartrefi a busnesau yn Llanwrtyd golli allan ar fand eang cyflym iawn

20 Medi 2024

Mae trigolion a busnesau yn ardal Llanwrtyd yn cael eu hannog i ystyried ymuno â chynllun Openreach a allai weld mwy na 600 o eiddo yn cael mynediad at fand eang cyflym iawn.

Mae'r cwmni wedi dweud wrth Gyngor Sir Powys y gallai'r prosiect fod mewn perygl oni bai bod mwy o bobl yn y dref yn cytuno i wneud cais am dalebau band eang Llywodraeth y DU a fydd yn cael eu defnyddio i helpu i ariannu estyniad i'w rwydwaith ffeibr cyflawn.

Gellir dod o hyd i ragor o wybodaeth am gynllun Openreach ar ei wefan: https://www.openreach.com/news/llanwrtyd-wells-residents-urged-to-make-most-of-once-in-a-lifetime-ultrafast-opportunity/

Gall preswylwyr a busnesau yn ardal Llanwrtyd wirio a ydynt yn gymwys drwy roi eu cod post ar wefan Cysylltu â'r Gymuned Openreach: https://www.openreach.com/connectmycommunity

Ni fydd defnyddio Talebau Gigabit Llywodraeth y DU i helpu i dalu am yr adeilad yn costio dim i breswylwyr a busnesau, ond bydd yn rhaid iddynt ymrwymo i archebu gwasanaeth ffeibr cyflawn gan ddarparwr o'u dewis am o leiaf 12 mis unwaith y bydd y rhwydwaith newydd ar gael a chadarnhau eu bod wedi'u cysylltu.

Gellir dod o hyd i ragor o wybodaeth am Dalebau Gigabit ar wefan Llywodraeth y DU: https://gigabitvoucher.culture.gov.uk/

"Mae hwn yn gyfle gwych i gartrefi a busnesau yn ardal Llanwrtyd gael mynediad at rwydwaith ffeibr cyflawn cyflymach," meddai'r Cynghorydd Jake Berriman, Aelod Cabinet Cyngor Sir Powys ar gyfer Cysylltu Powys. "Mae dros 600 o eiddo yn gymwys, ond dim ond os fydd digon o bobl yn cofrestru ac yn addo eu talebau i'r cynllun y bydd Openreach yn gallu eu cysylltu.

"Yr wythnos ddiwethaf, dim ond 35 o addewidion yn brin o'u targed oedden nhw!"

Am ragor o wybodaeth am gysylltedd digidol ym Mhowys ewch i: Cysylltedd Digidol