Digwyddiadau Cwrdd â'r Prynwr ar gyfer Contractwyr ac Ymgynghorwyr Adeiladu ac Priffyrdd
7 Hydref 2024
Manylion y Digwyddiad:
Mae Cyngor Sir Powys a Bwrdd Iechyd Addysgu Powys yn cynnal digwyddiadau anffurfiol ar y cyd ar gyfer contractwyr ac ymgynghorwyr:
- Dydd Mercher, 16 Hydref 2024, 10:00-15:00 yn The Barn at Brynich, Aberhonddu LD3 7SH
- Dydd Mercher, 23 Hydref 2024, 10:00-15:00 yn Theatr Hafren, Y Drenewydd SY16 4HU
Mae'r digwyddiadau'n rhoi cyfle gwerthfawr i gyflenwyr gyflwyno eu hunain i'n prynwyr a dysgu am brosiectau, contractau, fframweithiau a chyfleoedd cadwyn gyflenwi newydd.
Dywedodd yr Aelod Cabinet dros Gyllid a Thrawsnewid Corfforaethol, y Cynghorydd David Thomas: "Rydym yn eich annog i ddod draw i'r digwyddiadau hyn beth bynnag yw maint eich busnes gan eu bod yn ddefnyddiol wrth wneud cais am gyfleoedd contractio yn y dyfodol gyda'r cyngor a'r bwrdd iechyd."
Yn y digwyddiadau, bydd contractwyr yn derbyn cefnogaeth i baratoi ar gyfer tendro a thrafod sut i gyflawni'r gofynion tendro.
Bydd llawer o adrannau o Gyngor Sir Powys yn bresennol, gan gynnwys Priffyrdd a Thrafnidiaeth, Gwasanaethau Dylunio Eiddo, Gwasanaethau Dylunio Peirianyddol, Tai, Eiddo Corfforaethol a Gwasanaethau Masnachol. Mae adrannau o Fwrdd Iechyd Addysgu Powys yn cynnwys Ystadau, Cyfalaf, Eiddo, yr Amgylchedd a Chaffael GIG Cymru.
Ymunwch â ni i 'gwrdd â'r prynwyr' a rhwydweithio gyda gweithwyr proffesiynol yn y diwydiant.
Gallwch gofrestru yn https://wales.business-events.org.uk/cy/digwyddiadau/bwrdd-iechyd-addysgu-powys-a-cyngor-sir-powys-digwyddiadau-cwrdd-ar-prynwr/ neu alw heibio ar y diwrnod.
Bwrdd Iechyd Addysgu Powys - Admin.Estates.Powys@wales.nhs.uk / 01874 712679
Cyngor Sir Powys commercialservices@powys.gov.uk / 01597 827686
Rhannu'r dudalen hon
Argraffu
