Egwyddorion Profiad Cwsmeriaid

Mae ein hegwyddorion profiad cwsmeriaid yn llywio sut rydym yn dylunio ac yn darparu ein gwasanaethau, gan sicrhau profiad cadarnhaol a chydlynol i chi. Datblygwyd y saith egwyddor hyn drwy ymgysylltu ac ymgynghori â chwsmeriaid.

Pobl: Byddwn yn sefydlu diwylliant "cwsmer yn gyntaf oll" ar draws y cyngor sy'n llywodraethu sut y byddwn yn datblygu, gwella, dylunio a darparu ein gwasanaethau.

Ymgysylltu a Chyfathrebu: Byddwn yn gwrando ein cwsmeriaid ac yn cydweithio â nhw dros y gwasanaethau y maent eu heisiau, y gwasanaethau sydd eu hangen arnynt, a sut y dylid eu darparu.

Llywodraethu: Byddwn yn sicrhau bod uwch reolwyr ar draws y gwasanaethau yn cymryd perchnogaeth o daith a phrofiad y cwsmer.

Lleoedd: Gwneud Powys yn sir lle mae ei thrigolion yn ymwybodol o wasanaethau'r cyngor a sut i gael mynediad atynt, mewn ffordd o'u dewis.

Technoleg Ddigidol: Byddwn yn defnyddio technoleg ddigidol, yn ddiogel ac yn foesegol, fel y prif ateb i ddarparu gwasanaethau ar adegau sy'n gyfleus i'r cwsmer.

Cwsmer: Dylai cwsmeriaid ddeall yr hyn y gallant ei ddisgwyl gan y cyngor a'r hyn y mae'r cyngor yn ei ddisgwyl ganddynt.

Gwybodaeth am Berfformiad a Data: Byddwn yn defnyddio data'r Cyngor i wella a phersonoli darpariaeth gwasanaeth a chyfathrebu, ac i fonitro ac adrodd ar berfformiad.