Perchnogion Lakeside Boathouse yn derbyn gwobr Barcud Arian
14 May 2025
Mae Lee a Jenni Percy, o Landrindod, wedi derbyn Gwobr Barcud Arian gan y Cynghorydd Jonathon Wilkinson am eu gwaith a'u llwyddiant wrth drawsnewid ardal glan y llyn yn atyniad trefol pwysig ers cymryd eu prydles ar y Boathouse.
Mae eu gwaith wedi ennill nifer o wobrau, a gyda'u busnes yn mynd o nerth i nerth, maent bellach wedi llofnodi prydles 10 mlynedd ym Mharc y Creigiau, Llandrindod, gan agor Ystafell De Chalybeate, gan obeithio y rannu mwy o'u hyd a lledrith i ddod â'r Sba yn ôl yn fyw.
Agorodd yr Ystafell De ei drysau i'r cyhoedd ddydd Gwener 9 Mai, lle cyflwynwyd eu gwobr iddynt gan y Cadeirydd. Wrth siarad yn yr agoriad, dywedodd y Cynghorydd Jonathon Wilkinson, Cadeirydd Cyngor Sir Powys: "Mae Lee a Jenni wedi gwneud gwaith gwych gyda Lakeside Boathouse yn Llandrindod sydd bellach yn ganolfan gymunedol ffyniannus, ac mae wedi bod yn wych mynychu'r ystafelloedd te newydd ar ei ddiwrnod agoriadol a gweld y gwaith anhygoel sydd wedi'i wneud i'r fenter newydd hon.
"Maen nhw wir yn haeddu'r wobr hon, ac maen nhw wirioneddol yn cael effaith ar eu cymuned. Llongyfarchiadau."
"Hoffem estyn ein diolch o galon i'r Cadeirydd am y wobr hon. Mae'n anrhydedd wirioneddol cael ein cydnabod fel hyn, ac rydym yn gwerthfawrogi'n fawr y gefnogaeth a'r ymddiriedaeth a roddir ynom," meddai Lee a Jenni Percy.
"Mae'r gydnabyddiaeth hon yn ein cymell i barhau i wasanaethu gydag ymroddiad ac ymrwymiad. Edrychwn ymlaen at gyfrannu ymhellach a gweithio gyda'n gilydd i gyflawni ein hamcanion cyffredin. Diolch unwaith eto am yr anrhydedd hon."
Rhannu'r dudalen hon
Argraffu
