Adolygiad o Addysg ôl-16
Ar hyn o bryd mae'r Cyngor yn cynnal Adolygiad Strategol o addysg ôl-16, sy'n anelu at nodi gweledigaeth hirdymor ar gyfer addysg ôl-16 yn ysgolion y sir.
Mae hyn yn dilyn yr argymhelliad yn arolwg diweddar Estyn o Wasanaethau Addysg y Cyngor i 'Weithio gyda phartneriaid i ddatblygu a gweithredu model ar gyfer addysg 16-19 oed sy'n hyfyw ac yn gynaliadwy yn ariannol, yn diwallu anghenion pob dysgwr, ac yn ystyried darpariaeth cyfrwng Cymraeg ac ADY.'
Fel rhan o'r adolygiad hwn, ystyriodd Cabinet y Cyngor bapur yn ddiweddar yn amlinellu'r ddarpariaeth bresennol, yr heriau sy'n gysylltiedig â'r ddarpariaeth hon, a nifer o opsiynau ar gyfer y dyfodol. Mae'r papur a ystyriwyd gan y Cabinet ar gael isod:
Cam nesaf y gwaith yw ymgysylltu ar gynlluniau'r Cyngor, i gefnogi datblygiad y ffordd ymlaen. Bydd y gwaith hwn yn dechrau yn nhymor yr haf 2025, pan fydd ymgysylltu â staff a llywodraethwyr ysgolion, a bydd yn parhau yn nhymor yr hydref, pan fydd cyfleoedd i'r holl randdeiliaid, gan gynnwys dysgwyr, gyfrannu.
Mae hwn yn gyfle cyffrous i randdeiliaid weithio gyda'r Cyngor i ddod o hyd i ffordd ymlaen ar y cyd i wella canlyniadau i'n dysgwyr ôl-16, gwella'r cynnig cwricwlwm a datblygu model sy'n gynaliadwy ar gyfer y dyfodol. Mae'n dal i fod yn gynnar iawn yn y gwaith yma, ac nid oes unrhyw benderfyniadau wedi'u gwneud eto i symud ymlaen gydag unrhyw newidiadau.
Bydd mwy o wybodaeth am y gwaith yn cael ei hychwanegu at y dudalen hon wrth i'r adolygiad symud ymlaen.
Os oes gennych unrhyw gwestiynau pellach am yr adolygiad, cysylltwch â'r Tîm Trawsnewid Addysg gan ddefnyddio'r manylion cyswllt isod.
Cysylltiadau
Eich sylwadau am ein tudalennau
Rhannu'r dudalen hon
Argraffu
