Beth yw Cam-drin Domestig?
Mae gan bawb yr hawl i fyw yn rhydd rhag ofn, bygythiadau, a cham-drin, yn enwedig o fewn eu cartref eu hunain. Mae'n bwysig bod y rhai sy'n cael eu heffeithio gan drais a cham-drin domestig yn cael eu cefnogi i wneud eu penderfyniadau eu hunain.
Gall cam-drin domestig gynnwys cam-drin seicolegol, corfforol, rhywiol, ariannol neu emosiynol.
Arwyddion o drais neu gam-drin domestig
- hunan-barch isel, tynnu'n ôl
- teimlo mai eu bai nhw yw'r gamdriniaeth pan nad yw hynny'n wir
- Tystiolaeth gorfforol o drais fel cleisiau, toriadau, esgyrn wedi torri
- cam-drin geiriol a bychanu o flaen eraill
- Ofn ymyrraeth allanol
- difrod i gartref neu eiddo
- Unigrwydd - peidio gweld ffrindiau a theulu
- mynediad cyfyngedig i arian
Mae cam-drin domestig yn broblem ddifrifol ac eang, er ei fod yn aml yn guddiedig o fewn y teulu. Mae cam-drin yn digwydd ym mhob cymdeithas waeth beth fo'r rhywedd, ethnigrwydd, dosbarth, cenedligrwydd, crefydd, cefndir diwylliannol, anabledd, statws priodasol, oedran neu gyfeiriadedd rhywiol.
Bydd 1 o bob 4 menyw ac 1 o bob 6 dyn yn cael eu heffeithio rhywbryd yn eu bywydau gan gam-drin domestig. Mae dynion yn ogystal â menywod yn gallu bod yn ddioddefwyr, ac mae hefyd yn effeithio ar berthnasoedd o'r un rhyw.
Mae'r gyfraith yn cynnwys ymddygiad rheolaethol ac ymddygiad gorfodaethol o fewn diffiniad cam-drin domestig, ac mae'r diffiniadau hyn yn cynnwys trais ar sail 'anrhydedd', anffurfio organau cenhedlu benywaidd (FGM) a phriodasau gorfodol.
Ar hyn o bryd mae Cyngor Sir Powys yn gweithio ar Strategaeth i atal Cam-drin Domestig a chefnogi dioddefwyr a goroeswyr. Mae'r strategaeth wedi cyrraedd y cam ymgynghori.
Cyswllt
Eich sylwadau am ein tudalennau