Sut i roi gwybod am gam-drin/esgeuluso oedolyn (Pryder Diogelu)
Gallwch roi gwybod am gamdriniaeth oedolyn i Gyngor Sir Powys p'un a ydych yn weithiwr proffesiynol neu'n aelod o'r cyhoedd. Gellir gwneud atgyfeiriadau diogelu yn ddienw hefyd.
Os hoffech gyflwyno pryder diogelu, gallwch wneud hyn gan ddefnyddio ein dolenni ffurflenni gwasanaeth ar-lein isod neu drwy ffonio ASSIST ar 0345 602 7050.
Yn unol â'r Ddeddf Gwasanaethau Cymdeithasol a Llesiant newydd mae ASSIST bellach yn derbyn pob ymholiad. Mae hyn yn cynnwys pob atgyfeiriad mewnol ac allanol.
Os yw'n argyfwng, peidiwch ag aros - ffoniwch 999.
Mae'n rhaid i chi roi gwybod am bob adroddiad neu bryder o gam-drin yn syth. Peidiwch â cheisio datrys yr hyn a ddigwyddodd eich hun, oherwydd eich bod yn credu nad yw mor ddifrifol â hynny neu i amddiffyn cydweithwyr.
Dylai eich cyflogwr roi arweiniad i chi ynghylch sut i roi gwybod am bryderon yn eich sefydliad.
Os na allwch roi gwybod am eich pryder ar unwaith o fewn eich sefydliad, rydych yn rhoi gwybod am gamdriniaeth drwy'r sianeli canlynol:
- Gall Asiantaethau'r Llywodraeth anfon e-bost yma: assist@powys.gov.uk
- Gall staff proffesiynol ddefnyddio'r ffurflen hon: Ffurflen Atgyfeirio Amlasiantaethol ar Gyfer Oedolion Sydd Mewn Perygl (MARF) neu lawrlwythwch Ffurflen Gyfeirio Amlasiantaeth a'i hanfon i assist@powys.gov.uk
Mae'r Comisiynydd Pobl Hŷn Cymru wedi cynhyrchu cyfeirlyfr ar-lein sy'n caniatáu i bobl hŷn, eu teulu a'u ffrindiau, a gweithwyr proffesiynol chwilio am wasanaethau a chymorth yn hawdd yn eu hardal leol.
Gall hyn eu helpu os ydynt yn profi cam-drin, yn ogystal â manylion sefydliadau cenedlaethol allweddol a rhagor o wasanaethau arbenigol sydd ar gael, sy'n cynnig cymorth pedair awr ar hugain mewn rhai achosion.