Cyngor yn sicrhau mwy o lety i gadw pobl ifanc yn agosach at eu cartrefi
7 Gorffennaf 2025
Mae prosiect i ddarparu amrywiaeth o lety yn y sir ar gyfer pobl ifanc 16-25 oed yn eu galluogi i aros yn eu cymunedau a chynnal cysylltiadau plentyndod.
Mae'r 27 lleoliad ledled Powys yn cynnig lefelau amrywiol o gymorth gyda pharatoi ar gyfer byw'n annibynnol ar gyfer pobl ifanc bregus neu sydd mewn perygl o fod yn ddigartref, gan gynnwys y rhai sy'n gadael gofal.
Mae'r saith eiddo newydd wedi helpu'r cyngor i wneud arbedion o fwy na £200,000 y llynedd.
Yn aml, mae byw yn agosach at y cartref yn caniatáu i'r bobl ifanc barhau i gael mynediad at wasanaethau, cymorth ac addysg yn eu hardal leol gan arwain at ganlyniadau mwy cadarnhaol.
Dywedodd yr Aelod Cabinet ar gyfer Cenedlaethau'r Dyfodol, y Cynghorydd Sandra Davies: "Rydym wrth ein boddau i fedru cynnig yr ateb arloesol hwn sy'n cadw ein pobl ifanc o fewn eu cymunedau ac yn lleihau'r ddibyniaeth ar leoliadau drud y tu allan i'r sir.
"Mae'r prosiect yn amlygu ein hymrwymiad i roi'r sefydlogrwydd a'r gefnogaeth i bobl ifanc ffynnu a datblygu eu sgiliau byw a pharatoi ar gyfer annibyniaeth."
Mae'r adborth gan bobl ifanc yn cynnwys:
· Maen nhw'n teimlo'n ddiogel, yn fwy annibynnol ac yn coginio mwy i'w hunain.
· Roeddent yn gwerthfawrogi staff yn eu cefnogi gyda chyllidebu a siopa bwyd.
· Teimlant fod ganddynt fwy o gysylltiad a gwybodaeth am y dyfodol a'u bod yn cael eu trin yn dda.
Rhannu'r dudalen hon
Argraffu
