Partneriaeth y Gororau Ymlaen yn cynnal cyfarfod cyntaf bwrdd y Bartneriaeth

17 Gorffennaf 2025

Mae Partneriaeth Y Gororau Ymlaen (y Bartneriaeth), sy'n gydweithrediad arloesol rhwng pedwar cyngor cyfagos, wedi cynnal cyfarfod cyntaf bwrdd y Bartneriaeth yn Theatr Hafren yn yr Amwythig.

Mae'r Bartneriaeth yn uno Cyngor Swydd Henffordd, a Chyngor Sir Fynwy, Cyngor Sir Powys a Chyngor Swydd Amwythig - awdurdodau lleol sy'n rhannu daearyddiaeth, seilwaith a heriau economaidd. Gyda'i gilydd, eu nod yw datgloi buddsoddiad, ysgogi arloesedd, a chyflawni prosiectau trawsnewidiol sydd o fudd i 730,000 o breswylwyr y rhanbarth.

Cafodd y bwrdd wybodaeth am dri maes pwyslais y Bartneriaeth a sut y bydd y cynnydd yn cael ei gyflawni:

• Cynhyrchiant Uchel Economi Wledig, Trefi Bach a Dinasoedd: Cefnogi Mudiad Bwyd Da y Gororau i ddatblygu systemau bwyd cadarn a chadwyni cyflenwi lleol. Rhwydwaith Arloesi a Gwybodaeth y Gororau i feithrin cydweithrediad rhwng ymchwil, addysg a menter a Grŵp Tai Evergreen Marches a fydd yn archwilio sut y gall adfywio eiddo gwag canol trefi gan helpu i leddfu'r pwysau ar anghenion tai fforddiadwy a'r argyfwng tai.
• Rhanbarth Llwybr yr Economi Werdd: Drwy greu Llwyfan Buddsoddi Amgylcheddol y Gororau, bydd y Bartneriaeth yn chwilio am fuddsoddiad preifat ar gyfer cynlluniau amgylcheddol, gan gynnwys Cynllun Rheoli Dŵr Dyffryn Hafren. Bydd y Bartneriaeth hefyd yn datblygu strategaethau ynni cynaliadwy.
• Lleoedd Iach a Chysylltiedig: Bydd Grŵp Trafnidiaeth Cyswllt y Gororau yn archwilio gwell seilwaith i drafnidiaeth draws-ffiniol a chysylltedd gan gynnwys teithio ar docynnau sengl a newidiadau i gyfyngiadau teithio. Bydd y rhanbarth hefyd yn cael ei hyrwyddo drwy Grŵp Twristiaeth y Gororau ym mis Mawrth sy'n cydlynu datblygu twristiaeth strategol, gan gynnwys wyth prosiect newydd megis "Cerdded gydag Offa" a "Gŵyl y Gororau."

Mae bwrdd y Bartneriaeth, yn cynnwys Arweinwyr a Phrif Weithredwyr o'r pedwar awdurdod lleol, ochr yn ochr â phartneriaid strategol allweddol sy'n dod ag arbenigedd lleol ac ymrwymiad cyffredin i lywio economi wledig a threfol uchel ei gynhyrchiant.

Er na fydd gan y bwrdd bwerau i wneud penderfyniadau dros sefydliadau partner unigol, bydd yn chwarae rhan hanfodol wrth ddynodi a mynd i'r afael â heriau rhanbarthol cymhleth, trawsbynciol.

Wrth siarad ar ran aelodau'r Bartneriaeth, dywedodd y Cynghorydd Heather Kidd, arweinydd Cyngor Swydd Amwythig ac a gadeiriodd y bwrdd partneriaeth: "Mae Partneriaeth Y Gororau Ymlaen yn gam beiddgar tuag at ddyfodol mwy cysylltiedig, cadarn a llewyrchus i'n rhanbarth. Drwy gydweithio ar draws ffiniau, gallwn ddatgloi potensial cyflawn ein cymunedau a'n tirweddau. Mae ein hymrwymiad cydfuddiannol at y Bartneriaeth yn borth i dryloywder, cydweithio a chynnydd."