Beth allwn ni ei wneud?

Digonedd! Mae'r her yn ymddangos yn aruthrol, ond mae llawer o gamau gweithredu mawr a bach a fydd yn helpu i fynd i'r afael â newid hinsawdd yn y dyfodol.

• Newidiwch yr hyn a wnewch. Er mwyn osgoi effeithiau gwaethaf newid hinsawdd yn y dyfodol, rhaid i bob un ohonom newid ein ffordd o fyw. Mae hyn yn golygu newid ein ffordd o weithio a theithio, o ddefnyddio ynni, prynu a gwneud cynhyrchion gan gynnwys ein bwyd. Mae llawer o'r hyn y gallwn ei wneud i helpu i atal newid hinsawdd yn y dyfodol i lawr i wneud pethau'n wahanol.
• Lleihau eich ôl troed carbon. Mae ffynonellau gwych o gyngor ar sut i leihau eich ôl troed carbon. Lle da i ddechrau yw meddwl am eich defnydd ynni:

1. Ydw i wir angen ei ddefnyddio?
2. Alla i ddefnyddio llai?
3. Alla i wneud i'r un ynni wneud mwy? (Ynysu ac atal drafft)
4. Alla i newid i ynni adnewyddadwy?
5. Ble alla i wrthbwyso? (buddsoddi mewn dalfeydd carbon fel plannu coed neu adfer mawndiroedd).

• Mae coed yn dda. Mae coed yn amsugno carbon deuocsid. Mae gofalu am y coed sydd gennym yr un mor bwysig â phlannu mwy ohonynt. Dylid osgoi torri coed i lawr oni bai fod angen.
• Mae mawndiroedd yn storio mwy o garbon na choed, ond hefyd yn rhyddhau mwy pan fydd yn sychu, felly bydd adfer mawndiroedd yn helpu i leihau allyriadau. Prynwch gompost di-fawn yn unig!
• Pensiynau Buddsoddir dros 2/3 o gronfeydd pensiwn a chynhyrchion ariannol eraill mewn arferion anghynaliadwy, fel diwydiannau tanwydd ffosil. Mae cwmnïau'n ymateb i alw defnyddwyr a phwysau buddsoddwyr. Os oes gennych bensiwn, gallwch newid lle y caiff ei fuddsoddi a gofyn i'r gronfa bensiwn i wneud y newid.
• Buddsoddi mewn Natur Gallwch yn awr brynu Bondiau Gwyrdd y llywodraeth sy'n buddsoddi mewn prosiectau gwytnwch hinsawdd cenedlaethol. Mae rhai ymddiriedolaethau bywyd gwyllt bellach yn gwerthu credydau natur i helpu i ariannu prosiectau adfer a all ddatblygu dalfeydd carbon a sefydlogi bioamrywiaeth. Bydd ymuno ag elusen gadwraeth yn helpu i gefnogi eu gwaith hanfodol.

Edrychwch ar y dudalen Adnodd i weld sut y gallwch helpu, a chael cefnogaeth, i ddiogelu cenedlaethau'r dyfodol rhag effeithiau gwaethaf newid hinsawdd.