Safbwynt Cyngor Sir Powys ar Faneri

11 Medi 2025

Mae gan Bowys draddodiad balch o ddathlu hunaniaeth genedlaethol, ac mae chwifio baneri - fel Jac yr Undeb a'r Ddraig Goch - yn olygfa gyfarwydd a pharchus ledled y sir, gan gynnwys yn ein prif swyddfeydd cyngor.

Hoffem sicrhau trigolion bod unigolion a busnesau'n rhydd i arddangos baneri ar eu heiddo preifat eu hunain. Mae hyn wedi bod yn wir erioed ac mae'n parhau heb ei newid.

Fodd bynnag, mae pryderon wedi codi'n ddiweddar ynghylch arddangosfeydd baneri heb awdurdod mewn mannau cyhoeddus. Er eu bod yn aml â bwriad da, gall gweithredoedd o'r fath weithiau beri risgiau diogelwch neu gael eu hystyried yn rhaniadol. Fel awdurdod lleol, mae gennym ddyletswydd i gynnal diogelwch y cyhoedd a sicrhau bod mannau a rennir yn parhau i fod yn groesawgar ac yn hygyrch i bawb.

Yn unol â'n gweithdrefnau arferol, gellir symud unrhyw eitemau - gan gynnwys baneri neu wrthrychau eraill - sydd wedi'u gosod mewn mannau cyhoeddus heb ganiatâd. Mae hyn yn arbennig o bwysig lle mae risg o rwystr, difrod neu anaf. Er enghraifft, gall dringo pyst lamp neu osod eitemau mewn ffyrdd neu ar ddodrefn stryd fod yn beryglus ac rydym yn annog yn gryf yn erbyn hyn.

Mae Cyngor Sir Powys wedi ymrwymo i feithrin cymunedau cynhwysol lle mae pawb yn teimlo'n ddiogel, yn cael eu parchu, ac yn cael eu gwerthfawrogi. Rydym yn annog pob preswylydd i fynegi eu balchder a'u hunaniaeth mewn ffyrdd sy'n gyfreithlon, yn ddiogel, ac yn ystyriol o eraill.