Adborth gan Denantiaid

Darllenwch sut mae'r Swyddogion Cymorth Ariannol wedi helpu ein tenantiaid.  

Derbyniodd tenant help gan ei Swyddog Cymorth Ariannol gyda gwneud cais am Gredyd Cynhwysol.  Yn anffodus, roedd ei rhiant wedi marw; roedd hi'n olynu'r denantiaeth ac roedd angen help arni i lywio'r system fudd-daliadau a'r hyn yr oedd ganddi hawl iddo.  Cafodd gyngor hefyd ar sut i wneud cais am Gefnogaeth Profedigaeth a help tuag at gostau'r angladd. "Ni allaf ddiolch digon i chi am eich holl help a chefnogaeth ar adeg mor anodd." 

Neges o ddiolch gan denant i'w Swyddog Cymorth Ariannol. 

"Diolch o waelod calon i chi. Gwnaethoch wahaniaeth enfawr i'n bywydau. Roeddwn i'n anobeithiol ac yn teimlo nad oedd gennyf neb i droi ato. Mewn un alwad ffôn gwnaethoch leddfu cymaint o straen a phryder a gwneud i mi deimlo'n llai o fethiant. Ni all geiriau fynegi pa mor ddiolchgar ydw i." 

Cysylltodd tenant â'r Swyddogion Cymorth Ariannol oherwydd ei bod wedi bod yn cael trafferth talu ei holl filiau gan gynnwys ei siopa bwyd.  Nid oedd yn meddwl y byddai'n gallu cael unrhyw help gan fod ganddi rai cynilion roedd wedi bod yn eu defnyddio bob mis i helpu i dalu am bethau.  Roedd hi'n gymwys i gael help a nawr nid oes rhaid iddi boeni bob mis.  "Diolch am gymryd y pryder hwnnw i ffwrdd." 

Cysylltodd tenant â thîm y Swyddogion Cymorth Ariannol gan ei bod yn cael trafferth gyda'i chyllid. Ymwelodd Swyddog Cymorth Ariannol â'r tenant a chwblhaodd wiriad budd-daliadau cyflawn. Nid oedd y tenant yn hawlio unrhyw fudd-daliadau anabledd er bod gofalwyr yn dod i mewn ddwywaith y dydd. Hawliwyd a dyfarnwyd Lwfans Gweini, a oedd wedyn yn golygu bod ganddi hawl i gredyd Gwarantedig Credyd Pensiwn a hefyd budd-dal Tai a gostyngiad yn nhreth y Cyngor.  

"Cynorthwyodd y Swyddog Cymorth Ariannol fi gyda'r holl hawliadau yng nghyfforddusrwydd fy nghartref. Rwy'n hynod ddiolchgar am eu cymorth, ac rwyf bellach yn teimlo y gallaf fforddio fy nghostau gofal yn llawer gwell."