Rhagoriaeth blynyddoedd cynnar - dau leoliad ym Mhowys yn ymddangos yn adroddiad cenedlaethol Estyn
15 Rhagfyr 2025
Mae'r adroddiad Mewnwelediad Cynnar, sy'n cynnwys arfer effeithiol o Gylch Meithrin Y Drenewydd a Chylch Meithrin Llanrhaeadr Ym Mochnant, yn rhoi crynodeb cynnar o ganfyddiadau arolygon cyn adroddiad blynyddol llawn Estyn. Mae'n helpu darparwyr i fyfyrio ar eu harferion eu hunain a rhannu enghreifftiau da ledled Cymru.
Cydnabuwyd Cylch Meithrin y Drenewydd am ei gysylltiadau cymunedol cryf a'r effaith gadarnhaol ar brofiadau, cynnydd a llesiant y disgyblion. Dangosodd sut y gall meithrin perthnasoedd cryf o fewn y gymuned leol gyfoethogi dysgu plant a chefnogi eu datblygiad cyffredinol.
Canmolwyd Cylch Meithrin Llanrhaeadr Ym Mochnant am sefydlu gweithdrefnau hunanwerthuso trylwyr a chadarn sydd wedi arwain at ddiwylliant o welliant parhaus gydag arweinwyr y lleoliad yn ymwreiddio prosesau effeithiol sy'n arwain at safonau uchel ac yn sicrhau bod y ddarpariaeth yn diwallu anghenion plant.
Dywedodd y Cynghorydd James Gibson-Watt, Aelod Cabinet dros Bowys sy'n Dysgu: "Rydym yn falch bod dau o leoliadau blynyddoedd cynnar Powys wedi cael eu cydnabod gan Estyn am eu harfer ragorol. Mae'r cyflawniad hwn yn adlewyrchu ymroddiad staff ac ansawdd uchel y ddarpariaeth blynyddoedd cynnar ledled y sir.
"Mae rhoi'r dechrau gorau posibl i'n dysgwyr ieuengaf mewn bywyd yn brif flaenoriaeth i'r cyngor, ac mae'r gydnabyddiaeth hon yn dangos bod ein darparwyr blynyddoedd cynnar ar y trywydd iawn.
"Byddwn yn parhau i weithio'n agos gyda'r holl ddarparwyr blynyddoedd cynnar i gynnal ac adeiladu ar y safonau uchel hyn o ofal ac addysg i blant ledled Powys."
I ddarllen adroddiad Mewnwelediad Cynnar Estyn ar gyfer lleoliadau meithrin nas cynhelir, ewch i Lleoliadau Nas Cynhelir - Adroddiad Blynyddol | Annual Report
Rhannu'r dudalen hon
Argraffu
