Buddsoddiad o £1.22m yn economi Powys ar ôl dyfarnu 18 o grantiau busnes

12 Ionawr 2025

Mae cyfanswm o £1.22 miliwn yn cael ei fuddsoddi yn economi Powys - gan fusnesau a'r cyngor sir - ar ôl i 18 o grantiau cyfalaf gael eu dyfarnu.

Mae'r cwmnïau'n buddsoddi bron i £1 miliwn yn eu dyfodol eu hunain, tra bod y cyngor wedi ychwanegu £243,000 at y pot o Gronfa Ffyniant Gyffredin Llywodraeth y DU.

Roedd 150 o ymgeiswyr am y grantiau cyfalaf, a gyhoeddwyd ym mis Awst, sy'n cael eu defnyddio i dalu hyd at 50% o'r costau cymwys, hyd at uchafswm o £25,000, ar gyfer prosiectau sy'n cefnogi twf neu gynaliadwyedd hirdymor.

Mae'r 18 busnes a fu'n llwyddiannus, yn prynu offer newydd, neu dechnoleg werdd, yn amrywio o beiriannau coffi a pheiriannau sodro i baneli solar a goleuadau LED:

• A E Gough & Sons, Llandrindod - £17,000 tuag at brofwr brêc rholer ar y ddaear.
• Cambrian Packaging, Y Drenewydd - £11,500 tuag at osod paneli solar ar ei brif swyddfa a'i warws.
• Cleobury Project Management, Tref-y-clawdd - £12,172.50 tuag at sychwr chwistrellu a fydd yn caniatáu i'r busnes ddatblygu a chynhyrchu cynhyrchion powdr newydd.
• Contact Attachments, Y Drenewydd - £10,911.98 tuag at osod paneli solar a goleuadau ynni-effeithlon.
• Davlec, Y Trallwng - £17,000 tuag at gael peiriant sodro newydd gyda sodro dethol yn lle'r hen un, a fydd yn gwella cywirdeb, yn cyflymu cynhyrchu ac yn lleihau'r defnydd o ynni.
• EV Sales and Repairs, Aberhonddu - £10,118.50 tuag at offer newydd a fydd yn cynyddu capasiti'r gwasanaeth.
• Planhigfa Llandysilio, Llanymynech - £17,000 tuag at lwythwr compost a fydd yn helpu i roi hwb i allbwn ei system potio robotig.
• Hennighan's, Machynlleth - £6,624.09 tuag at welliannau ar ei ddau safle yn y dref, gan gynnwys system pwynt gwerthu integredig newydd, a gorsaf byrgyrs bwrpasol yn ei Top Shop.
• Kindle House, Ystradgynlais - £8,285 tuag at welliannau i'r ardal eistedd yn yr iard yn The Stables - bar a chegin.
• Mid Wales Storage, Machynlleth - £8,325 tuag at osod goleuadau LED ynni effeithlon.
• Bragdy Monty's, Trefaldwyn - £9,100 tuag at offer bragu newydd, gan gynnwys tanc eplesu mwy, a fydd yn cynyddu cyfaint a chyflymder y cynhyrchu.
• Philip Jones Builders, Y Drenewydd - £21,550 tuag at offer awtomataidd a fydd yn helpu i gynhyrchu ei geginau ei hun.
• Polyco, Y Drenewydd - £25,000 tuag at offer y gellir ei ddefnyddio i wahanu MDF (bwrdd ffibr dwysedd canolig) gwastraff a'i droi'n ffibr pren crai a thoddiant sy'n cynnwys y resin a'r glud.
• Reeco Automation, Y Drenewydd - £19,870 tuag at osod paneli solar ac uned biomas ar gyfer gwresogi yn ei ffatri.
• Shepherd's Parlour, Y Gelli Gandryll - £6,533.74 tuag at beiriannau coffi ac ysgytlaeth newydd, a fydd yn gwella cyflymder a chapasiti.
• Tailored Imports, Aberhonddu - £7,720.30 tuag at beiriannau ddeunydd amlap ymestyn a bandio a fydd yn cyflymu'r gallu i adeiladu llwyth paled mewn dau warws.
• Y Porthdy, Penfforddlas - £10,000 tuag at bwmp gwres ffynhonnell aer a system storio batri ychwanegol, i'w ddefnyddio gyda'i baneli solar, yn y lleoliad llety grŵp.
• Antur Brew (Van Dijk Brewing), Crughywel - £ 24,537 tuag at beiriannau llenwi a labelu caniau.

Mae disgwyl i'r holl brosiectau gael eu cwblhau a'u talu dros yr wythnosau nesaf.

"Roedd dewis yr 18 yn broses anodd, gyda thua 300 o fusnesau wedi mynegi diddordeb mewn derbyn grant, ac mae tua hanner y rhain wedyn yn mynd ymlaen i gyflwyno cais llawn," meddai'r Cynghorydd Glyn Preston, Aelod Cabinet ar gyfer Powys Fwy Ffyniannus, Cyngor Sir Powys. "Rydym wedi blaenoriaethu'r prosiectau a fyddai'n cael yr effaith fwyaf ar gynhyrchiant a chynaliadwyedd ar draws ystod o sectorau ac rydym yn falch iawn o dderbyn cymaint o ddiddordeb.

"Mae'r £1.22 miliwn a ddefnyddiwyd drwy'r cynllun grant hwn yn cynrychioli buddsoddiad sylweddol yn seilwaith masnachol ein sir."

Dylai unrhyw un sydd â chwestiynau am ddatblygu economaidd ym Mhowys e-bostio: economicdevelopment@powys.gov.uk

Mae Cyngor Sir Powys hefyd eisiau clywed gan gwmnïau, yn y sir a thu allan iddi, sydd angen safleoedd neu eiddo newydd i'w helpu i ehangu. Gallant ddefnyddio'r ffurflen ar-lein hon i ddarparu eu manylion cyswllt a chrynodeb byr o'u hanghenion: https://powysapi.evolutive.co.uk/form/anonymousform/67d2d993b18d8d42d1a24c95?&redirecturl=

LLUN: Emma Purvis, Rheolwr Gyfarwyddwr Kindle House yn Ystradgynlais, yn yr ardal eistedd iard wedi'i wella yn y bar a chegin The Stables, sydd bellach yn cynnwys gorchudd pabell