Hawliau Tramwy: Cynnal a Chadw
Torri gwrychoedd a choed wrth ymyl hawliau tramwy cyhoeddus
Yn y mwyafrif o achosion, y perchennog tir sy'n gyfrifol am wneud yn siwr nad yw gwrychoedd a choed yn ymestyn dros hawl tramwy cyhoeddus gan achosi rhwystr.
Mae gennym yr hawl i gael gwared ar ordyfiant sy'n achosi rhwystr. Mae gennym hefyd yr hawl i fynnu bod perchnogion gwrych sy'n ymestyn dros yr hawl tramwy yn ei thorri nôl o fewn cyfnod o 14 diwrnod.
Os yw cilffordd yn cael ei difrodi oherwydd nad oes golau ac aer, oherwydd gwrychoedd neu goed cyfagos, gallwn ofyn am orchymyn gan lys yr ynadon, i fynnu fod y perchennog yn torri'r coed/gwrychoedd. Serch hynny, cyn defnyddio'r grym hwn, bydd y Cyngor Sir yn trafod y mater gyda pherchnogion y tir cyfagos a gofyn iddynt dorri'r gwrychoedd neu'r coed, neu gytuno i weithio gyda'r perchennog fel rhan o brosiect mwy.
Clirio isdyfiant
Rydym ni'n gyfrifol am sicrhau fod llystyfiant sy'n tyfu ar wyneb yr hawl tramwy cyhoeddus yn cael ei gadw dan reolaeth a ddim yn gwneud y llwybr yn anodd i'w ddefnyddio.
Mae gennym raglen cynnal a chadw tymhorol, ac rydym yn torri'r llwybrau ar ein cronfa ddata bob mis Mai a mis Medi. Os yw llwybr wedi'i rwystro gan isdyfiant ar adegau eraill rhowch wybod i ni.
Defnyddio plaladdwyr a chwynladdwyr
Gall plaladdwyr a chwynladdwyr fod yn beryglus ac fel arfer nid ydynt yn cael eu defnyddio ar hawliau tramwy cyhoeddus. Weithiau byddwn yn chwistrelli llwybrau os mai hwn yw'r unig ffordd i gael gwared â chwyn peryglus neu ymledol. Yn yr achosion hyn, byddwn yn gosod rhybuddion i roi gwybod i ddefnyddwyr y llwybr.
Delio â sbwriel a thipio anghyfreithlon
Cyngor dosbarth yr ardal sy'n gyfrifol am glirio sbwriel oddi ar hawl tramwy cyhoeddus. Os yw'r llwybr wedi'i rwystro oherwydd maint y sbwriel, bydd dyletswydd arnom i weithredu.
Rhoi gwybod i ni am sbwriel sydd wedi'i adael (tipio anghyfreithlon)
Dilynwch ni ar:Cysylltiadau
Rhowch sylwadau am dudalen yma
Rhannu'r dudalen hon
Argraffu
