Llwybrau Troed, Llwybrau Ceffyl a Hawliau Tramwy Cyhoeddus Eraill
Mae hawliau tramwy cyhoeddus ar agor i bawb. Gall y rhain fod yn ffyrdd, llwybrau neu draciau sy'n mynd drwy drefi, cefn gwlad a dros eiddo preifat. Mae gan Bowys dros 12,000 o hawliau tramwy cyhoeddus. Defnyddir nifer o'r rhain ar gyfer hamdden - yn arbennig cerdded, seiclo, marchogaeth a gyrru 'oddi ar y ffordd'.
Llwybrau
I'w defnyddio gan gerddwyr yn unig. Gallwch fynd â choets ar gyfer plentyn gyda chi. Gallwch fynd â chi, ond rhaid ei gadw o dan reolaeth.
Gall cerddwyr, seiclwyr a marchogion ddefnyddio llwybrau ceffyl. Mae'n bosibl y bydd hawliau ar gyfer symud stoc, megis defaid a gwartheg.
Os oes angen gwybodaeth gywir ar y llwybr , yna gallwch archwilio'r Map Diffiniol. Mae hwn ar gael i'w weld ar y ffynhonnau Gwalia, Llandrindod.
Cilffyrdd Cyfyngedig
Categori newydd o hawl tramwy, a elwyd cyn hyn yn Ffordd a Ddefnyddir fel Llwybr Cyhoeddus (RUPP). Mae'r hawliau yr un peth ag ar gyfer llwybrau ceffyl, gyda hawl ychwanegol i ddefnyddio cartiau a cherbydau a dynnir gan geffylau. Ni allwch yrru cerbydau modur ar gilffyrdd cyfyngedig.
Cilffyrdd sy'n agored i holl draffig (BOAT)
Mae gan y rhain yr un hawliau â chilffyrdd cyfyngedig, ond gallwch hefyd yrru cerbydau modur.
Ymhle mae'r Hawliau Tramwy Cyhoeddus?
Mae mapiau 'Explorer' 1:25000 yr Arolwg Ordnans yn rhoi gwybodaeth gyffredinol ar hawliau tramwy cyhoeddus ond nid ydynt yn hollol gywir gan nad ydynt bob amser yn adlewyrchu newidiadau i'r rhwydwaith llwybrau.
Mae ein Map Rhyngweithiol yn dangos yr holl hawliau tramwy cyhoeddus trwy Bowys. Os ydych chi'n chwilio am wybodaeth gywir ar union linell a statws llwybr, yna dylech daro golwg ar y Map Diffiniol sy'n cael ei gadw gan y Cyngor.
Beth am hawliau preifat?
Nid ydym yn cadw cofnodion o hawliau mynediad preifat (hawlfreintiau). Os oes gennych unrhyw broblemau gyda hawliau preifat, dylech geisio cyngor cyfreithiol.
Rydym am annog dylunio o'r ansawdd gorau yn yr amgylchedd adeiledig, ac i wella iechyd a lles y bobl sy'n byw ym Mhowys trwy wneud yn siwr bod ganddynt fynediad i'r awyr agored ar gyfer hamdden ac ymarfer corff.
Mae'r Cynllun Gwella Hawliau Tramwy yn nodi sut bydd y cyngor yn cynllunio ac yn blaenoriaethu gwaith gwella i'r llwybrau sydd eisoes yn bodoli yn y sir. Bydd hefyd yn helpu grwpiau eraill ym Mhowys i wella mynediad i gefn gwlad. Mae'n gynllun uchelgeisiol sy'n nodi blaenoriaethau ac amcanion gwaith i'r dyfodol.
Rhaid gwneud cais i ni dros dro i gau neu i wyro hawl tramwy at ddibenion diogelwch, neu i wneud gwaith angenrheidiol. Bydd angen cyhoeddi gorchymyn rheoleiddio traffig i wneud hyn.
Ffensys weiren bigog ar draws hawl tramwy cyhoeddus; weiren bigog wrth ochr hawl tramwy cyhoeddus; ffensys trydan ar draws hawl tramwy cyhoeddus; Rhaff ar draws hawl tramwy cyhoeddus.
Torri gwrychoedd a choed wrth ymyl hawliau tramwy cyhoeddus; clirio isdyfiant, defnyddio plaladdwyr a chwynladdwyr; a delio â sbwriel a thipio anghyfreithlon.
Y perchennog tir sy'n gyfrifol am wneud yn siwr bod unrhyw gamfeydd a gatiau yn cael eu cadw mewn cyflwr da. Rydym yn rhannu'r cyfrifoldeb am drwsio a chynnal a chadw pontydd a chylfatiau gyda'r perchnogion tir, a gall y cyfrifoldebau hynny fod yn wahanol ym mhob achos.
