Ysgol Bro Hyddgen

Mae'r Cyngor yn bwriadu darparu adeilad newydd ar gyfer Ysgol Bro Hyddgen ym Machynlleth, ysgol bob oed gyntaf y Cyngor, a sefydlwyd yn 2014 yn dilyn uno Ysgol G.G. Machynlleth ac Ysgol Bro Ddyfi.

Ar hyn o bryd mae'r ysgol yn gweithredu o'r hen adeiladau cynradd ac uwchradd ym Machynlleth. Bydd y prosiect hwn yn darparu adeilad newydd y mae mawr ei angen ar gyfer yr ysgol, gan ddod â'r campysau cynradd ac uwchradd i'r un safle, a bydd yn cymryd lle adeiladau presennol yr ysgol, sydd mewn cyflwr gwael.

Ym mis Hydref 2024, cymeradwywyd caniatâd cynllunio ar gyfer yr adeilad newydd. Mae hon yn garreg filltir arwyddocaol, a bydd yn galluogi'r Cyngor i symud ymlaen gyda'r cynlluniau.

Dyma fydd adeilad ysgol bob oed Passivhaus cyntaf y Cyngor, gan gyflawni Carbon Sero Net ar waith.

Cam nesaf y prosiect fydd cwblhau'r gwaith dylunio, cyn mynd allan i dendr ar gyfer contractwr adeiladu.

Mae'r ysgol hefyd yn trosglwyddo o fod yn ysgol dwy ffrwd if od yn ysgol cyfrwng Cymraeg, felly bydd symud ymlaen gyda'r cynlluniau ar gyfer yr adeilad newydd yn cefnogi gweithredu Cynllun Strategol Cymraeg mewn Addysg y Cyngor (WESP).