Rhaid i bob sw ym Mhrydain Fawr gael eu harchwilio a chael trwydded. Mae hyn er mwyn gwneud yn siwr bod yr holl anifeiliaid yn cael eu cadw mewn mannau addas sy'n rhoi'r cyfle iddynt ymddwyn yn y ffordd fwyaf naturiol.
Bydd angen trwydded ar unrhyw un sy'n cadw anifeiliaid gwyllt i'w gweld gan y cyhoedd am dâl neu beidio, am fwy na saith diwrnod mewn unrhyw ddeuddeg mis dilynol. Mae eithriadau ar gyfer syrcas, siopau anifeiliaid anwes neu sefydliadau cofrestredig sy'n cynnal arbrofion ar anifeiliaid.
Mwy o wybodaeth gan y Swyddog Trwyddedu Ardal neu ewch i dudalennau trwyddedu sŵau Llywodraeth y DU.
Pan fyddwch yn gwneud cais
Rhaid i chi roi gwybod i ni o'ch bwriad i wneud cais o leiaf dau fis cyn eich bod yn cyflwyno cais. Mae ffurflen i'w llenwi ar gyfer hyn. Rhaid cyhoeddi rhybudd o'r bwriad hwn mewn papur newydd lleol a chenedlaethol a'i arddangos yn y safle.
Apeliadau
Cysylltwch â ni os hoffech wneud apel.
Gwneud cais am drwydded
Llenwch gais ar-lein trwy ddefnyddio'r dolenni isod. Bydd y dolenni yn eich trosglwyddo i wefan arall y llywodraeth.
Gallwch gael ffurflen gais trwy ddefnyddio'r manylion cyswllt ar y dudalen hon. Llenwch y ffurflen a'i dychwelyd i'r swyddfa drwyddedu ardal gyda'r ffi.
