Nod Deddf Teithio Llesol (Cymru) 2013 yw gwneud Cymru yn genedl o gerddwyr a seiclwyr. Ei diben yw galluogi mwy o bobl i deithio'n llesol ar gyfer teithiau byr yn hytrach na defnyddio cerbydau modur, lle mae'n addas iddynt wneud hynny.
Gorolwg o'r Ddeddf
Mae'r Ddeddf yn gofyn i awdurdodau lleol yng Nghymru i lunio mapiau teithio llesol a chyflwyno gwelliannau flwyddyn ar flwyddyn ar lwybrau a chyfleusterau teithio llesol.
Mae'n gofyn i awdurdodau priffyrdd yng Nghymru i wneud gwelliannau i lwybrau a chyfleusterau ar gyfer cerddwyr a seiclwyr gan ystyried anghenion cerddwyr a seiclwyr mewn ystod o swyddogaethau eraill yr awdurdod priffyrdd.
Mae'n gofyn hefyd i Weinidogion Cymru ac awdurdodau lleol i hyrwyddo teithiau llesol wrth ymarfer eu swyddogaethau dan y Ddeddf hon.
Mae'r ymgysylltiad gyda rhanddeiliaid ar y Map Rhwydwaith Teithio Llesol Cyngor Sir Powys bellach wedi dod i ben.
Diolch i bawb sydd wedi rhoi o'u hamser i rannu eu safbwyntiau a'u hawgrymiadau. Mae eich cyfraniadau'n hynod werthfawr wrth lunio dyfodol teithio llesol ym Mhowys.
Bydd gwaith yn dechrau nawr i ddadansoddi'r holl adborth a data a dderbyniwyd, a fydd yn llywio datblygu'r Map Rhwydwaith Teithio Llesol newydd ddrafft. Bydd y map drafft yn symud ymlaen i ymgynghoriad cyhoeddus yn 2026, a bydd manylion y broses hon yn cael eu cyhoeddi ar y dudalen we hon maes o law.
