Arfer Gorau wrth Ysgrifennu Adroddiad

DCC Interactive Ltd

Mae'r cwrs undydd hynod ymarferol hwn yn dilyn 'taith' cofnod; o'r greadigaeth gychwynnol, rheoli a storio cofnodion i arfer gorau. Mae'r cwrs yn tynnu sylw at bwysigrwydd cofnodion yn ystod achos cyfreithiol a pha mor hawdd y gellir ymosod arnynt neu eu hamharchu. Ystyrir manylion beth sydd i'w gynnwys mewn nodiadau ynghylch gwerthuso, asesu, y wybodaeth a gesglir, ymyrraeth, cynllunio a llunio penderfyniadau. Byddwn hefyd yn dadansoddi ac yn egluro atebolrwydd y Gweithiwr Gofal Cymdeithsol Proffesiynol a'r gwahanol ffyrdd y bydd cofnodion yn cael eu craffu. Bydd mynychwyr y cwrs hefyd yn dysgu sut i gasglu, diogelu a chyflwyno cofnodion i safonau arfer gorau.
Mae'r cwrs rhyngweithiol hwn yn datblygu sgiliau cyflwyno tystiolaeth ysgrifenedig yn natganiadau a/neu adroddiadau'r gweithwyr cymdeithasol. Trwy ymarferion dan awreiniad yr hyfforddwyr, bydd y mynychwyr yn ystyried cynnwys tystiolaeth ysgrifenedig trwy ystyried ffynhonnell a phwysigrwydd yr wybodaeth sydd i'w chynnwys. Byddant yn dysgu sut i wahaniaethu rhwng ffeithiau, dehongliadau a barn ac yn edrych ar beryglon a chamgymeriadau cyffredin Gweithwyr Proffesiynol ym maes Gofal Cymdeithasol, ac yn dysgu sut i'w hosgoi. Bydd mynychwyr yn adolygu adroddiadau, gan gynnwys arddull a fformat, ac yn defnyddio meini prawf asesu gwrthrychol i asesu eu tystiolaeth ysgrifenedig eu hunain.

Cydnabod pwysigrwydd cofnodion wrth ddarparu gwell canlyniadau i blant -Adnabod ffactorau allweddol wrth sicrhau gofal parhaus
Gwahaniaethu rhwng ffeithiau, casgliadau a barn
Cofnodi ffeithiau clir a chryno o arsylwi, cwestiynu a dogfennu
Rheoli cofnodion yn unol ag arfer gorau (gan gynnwys yn electronig)
Gallu defnyddio cofnodion fel prif ffynhonnell wybodaeth -Cadw at brotocolau rhannu gwybodaeth
Adnabod sut y bydd gweithiwr proffesiynol yn atebol am ei gofnodion
Adnabod Pwysigrwydd casglu gwybodaeth yn effeithiol trwy wybod sut y caiff ei chynnwys tystiolaeth ysgrifenedig
Nodi'r materion, y ffeithiau a'r ffynonellau, a'u pwysau
Gwahaniaethu rhwng gwahanol fathau, a ffynhonnell a phwysau'r dystiolaeth sydd ar gael
Datblygu'r gallu i edrych yn wrthrychol a beirniadol mewn perthynas â'u gwybodaeth ysgrifenedig eu hunain
Cynhyrchu datganiadau sy'n cydymffurfio â'r llys ac adroddiadau sy'n gallu gwrthsefyll cael ei croesholi
Llunio adroddiad da, gan gynnwys cynllun, fformat ac arddull briodol

Nid oes tâl i fynychu'r cyrsiau hyn. Fodd bynnag, efallai y bydd peidio â mynychu yn arwain at dâl canslo os na roddir digon o rybudd.

Cyswllt