Gofalwyr Ifanc

Mae Gofalwyr Ifanc yn blant a phobl ifanc o dan 25 oed sydd â chyfrifoldebau gofalu am rywun sydd â salwch corfforol neu feddyliol, anabledd corfforol neu ddysgu neu broblem cyffuriau neu alcohol.

Mae cefnogaeth arbennig i ofalwyr ifanc gan ofalwyr ifanc Powys.

Mae gofalwyr ifanc o bob rhan o Bowys wedi cynhyrchu animeiddiad byr. Mae'r ffilm yn amlygu'r canfyddiadau sydd gan rai pobl o berson ifanc heb wybod beth yw eu heriau o ddydd i ddydd o jyglo bywyd ysgol a chartref wrth ofalu am aelod o'r teulu.

Byddai'n rhaid i ofalwr ifanc gyflawni nifer o dasgau, gan gynnwys:

Gofal cyffredinol (fel rhoi meddyginiaeth, newid gorchuddion, helpu gyda symudedd
Tasgau domestig (fel coginio, glanhau, golchi, smwddio, siopa)
Cefnogaeth emosiynol (fel gwrando ar bobl a'u cefnogi)
Gofal personol (fel gwisgo, ymolchi a helpu gyda gofynion toiled)
Gofal plant (fel helpu gyda brodyr a chwiorydd iau)
Gofal arall (fel helpu gyda thasgau cartref a gweinyddol eraill, talu biliau, mynd gyda'r sawl y gofalir amdano at y meddyg neu'r ysbyty)

Beth i'w wneud os ydych yn ofalwr ifanc

Os ydych chi'n meddwl y gallech chi, neu rywun rydych chi'n ei adnabod, fod yn ofalwr ifanc, mae'n bwysig eich bod chi'n dweud wrthym ni am eich sefyllfa fel y gallwch chi - a'r person rydych chi'n gofalu amdano - gael y cymorth a'r gefnogaeth sydd eu hangen arnoch chi.

I gael rhagor o wybodaeth a chyngor am Ofalwyr Ifanc neu i wneud atgyfeiriad Gofalwyr Ifanc gallwch gysylltu â Credu yn uniongyrchol. Gallai eich rhiant a/neu ysgol eich cefnogi wrth eich cyfeirio at Credu i ddod yn ofalwr ifanc.

Pa fath o help fydda' i'n ei gael?

Mae gofalwyr ifanc yn aml yn cymryd cyfrifoldebau oedolion. Mae hyn yn golygu eu bod yn aml yn colli allan ar y pethau y gallai plant eraill eu cymryd yn ganiataol, fel cyfleoedd i ddysgu, chwarae a chael hwyl.

Rydym yn gweithio'n agos gyda Credu Cares ac asiantaethau eraill i'ch helpu i fwynhau eich plentyndod drwy roi:

Cefnogaeth a chyngor emosiynol
Cefnogaeth i gael help gartref
Cyngor ar gymryd seibiant o ofalu
Cyfle i gymryd rhan mewn gweithgareddau hwyliog
Cyfle i gwrdd â phobl ifanc eraill a rhannu profiadau
Help gyda'ch pryderon neu anawsterau
Help i gael mynediad at addysg

Cysylltwch â Credu i gael rhagor o wybodaeth a chymorth.

Credu - 01597 823800

https://www.carers.cymru/

Ebost:carers@credu.cymru